VAN GAAL AFUNGUKA MOURINHO KURITHI MIKOBA YAKE

                          LIVERPOOL, ENGLAND

LOUIS VAN GAAL (pichani chini) ameponda utaratibu uliotumika kumuondoa katika nafasi yake ya ukocha klabuni Manchester United na kisha Jose Mourinho kurithi mikoba yake. 

Mholanzi huyo alitimuliwa baada ya kuwa na misimu miwili migumu Old Trafford kuponda ujio wa Mourinho klabuni hapo kufanywa siri na maofisa wa klabu hadi uteuzi wake ulipothibitishwa rasmi.

Van Gaal anaamini suala hilo lingeweza kuchukuwa kwa njia tofauti na lilivyofanywa ingawaje anaamini mrithi wake hana hatia na kuondolewa kwake ghafla. 

Bosi huyo wa zamani wa Old Trafford alikuwapo uwanjani Anfield Jumamosi katika mchezo wa upinzani wa jadi kati ya Liverpool na United ulioisha kwa sare ya 0-0 akiwa ni sehemu ya timu ya Runinga ya Uholanzi iliyokuwa ikirusha mchezo huo. 

Van Gaal na Mourinho walikutana uwanjani hapo kabla ya kuanza kwa mchezo huo, lakini kocha huyo bado hajasau jinsi alivyoondolewa klabuni hapo na nafasi yake kuchukuliwa na msaidizi wake huyo wa zamani klabuni Barcelona.

 

Van Gaal alisema: “Kwa hisia zangu, jinsi usajili wake kama kocha wa Manchester United haukuwa sahihi kabisa, hilo ndilo lililosababisha mimi kufukuzwa.

“Katika kanuni, yeye (Mourinho) siyo mtu mbaya. Anaweza kuwa na huruma na alikuwa hivyo wakati alipokuwa msaidizi wangu siku za nyuma. Lakini sasa anajisahau haraka mno.” 

Mholanzi huyo alifukuzwa baada ya ushindi wa Kombe la FA na pamoja na utawala wake kukabiliwa na upinzani, bado ana kumbukumbu nzuri.

Van Gaal aliongeza: “Nilikuwa na wakati mzuri na uhusiano wangu na wafanyakazi wote na mashabiki ulikuwa mzuri wakati nilipokuwa United.”

“Mkurugenzi wetu mtendaji, Ed Woodward aliniahidi chupa sita za mvinyo mwekundu wa Ribeiro kila nilipoifunga Liverpool. Vizuri, nilishinda mara nne, kwa hiyo nilikuwa na chupa nyingi."