IMEANDIKWA
NA PRIVA ABIUD
WAKATI
Man United ikiumana na Celta Vigo na Midjytland kuna kijana mmoja mweusi
alikuwa amekamata dimba la kati kwa jina anaitwa Pione Sisto.
Huyu
kijana alionekana kung’ara alipokuwa Midjytlan na hata kwenye mchezo wa majuzi
akiwa na Celta -Vigo, huyu nitamuongelea baadaye ngoja niwazunguzmie kaka zake
kwanza.
Wakati
nazaliwa mwaka 1992 kikosi cha Kocha Richard Moller Nielsen kiliishangaza
dunia, kwa kuichabanga Ujerumani waliokuwa mabingwa wa Kombe la Dunia kwenye
michuano ya Euro.
Pione Sisto
Kichapo
kile cha Denmark ilichokitoa kilimfanya nguli wa nchi hiyo, Michael Laudrup
kustaafu soka. Denmark ilikuwa ikiongozwa na mlinda mlango anayeaminika kuwa bora
kuwahi kutokea, Peter Schmeichel.
Hicho
ndicho kilikuwa kizazi bora kwa Denmark kwa wakati ule na katika historia ya
nchi hiyo. Katika historia ya taifa lile hatuwezi kuacha kumzungumzia Brian
Laudrup ambaye amewahi kutwaa tuzo ya mchezaji bora wa Denmark kwa mara nne na
pia aliwahi kutajwa na Fifa mwaka 1992 kuwa mchezaji wa tano kwa ubora duniani
kwa mwaka ule.
Ni
mchezaji ambaye mchawi wa soka, Pele alimtaja katika orodha yake kuwa ni mmoja
kati ya wachezaji bora duniani kuwahi kutokea akimweka nafasi ya 125. Michael
Laudrup ni kaka yake na Brian Laudrup ni mmoja kati ya wachezaji bora
kukumbukwa katika ardhi ya Denmark akikukumbukwa kwa mafanikio yake aliyopata
ndani ya Barcelona, Ajax, Real Madrid na Juventus.
Michael na Brian Laudrup
Ni
mmoja kati ya viungo waliong’ara kipindi cha Johan Cruyff alipokuwa kocha mkuu
wa Barcelona, walipotwaa mataji tisa. Mwaka 1999 alitajwa kuwa mchezaji bora wa
kigeni wa Ligi Kuu Hispania, La Liga kwa kipindi cha miaka 25. Mwaka 2006
alitajwa na chama cha soka cha nchini humo kuwa mchezaji bora wa muda wote
kutoka Denmark.
Wakati
Laudrup mkubwa akitajwa kuwa mmoja kati ya wachezaji bora kuwahi kutokea katika
nchi za Scandinavia (Sweden, Norway, Denmark n.k) akimpiku mtu kama Zlatan
Ibrahmovic pia ni mmoja kati ya wachezaji waliochezea mahasimu wawili Barcelona
na Real Madrid na kupata mafanikio katika vipindi vyote.
Anatajwa
pia kuwa kati ya wachezaji 11 bora wa kigeni katika historia ya Real Madrid.
Kizazi cha kina Laudrup kimeshaondoka Denmark. Kimekuja kizazi kingine kabisa.
Kizazi hiki kilianza mizizi yake kwenye michuano ya Uefa ya wachezaji wenye
chini ya umri wa miaka 21 mwaka 2014. Kikosi kile kilicheza michuano yote ya
kufuzu michuano ile bila kufungwa hata mchezo mmoja kwa kushinda michezo minane
na kutoa sare miwili.
Hojbjerg
Katika
kikosi kile kilikuwa na kijana mmoja anayeitwa Pierre Emile Hojbjeng ambaye
akiwa na miaka 14 tayari Wadenmark washamwita Zinadine Zidane wao. Akiwa na
miaka 17 alisajiliwa Buyern Munich. Mwandishi maarufu kwa jina la Jonathan
Fadugba mwaka 2016 alisema kuwa kijana huyu aliyeanzia maisha FC Copenhagen
ambaye kwa sasa anakipiga Southampton anaweza akawa na balaa kuliko staa wa
taifa hilo kwa sasa Christian Eriksen anayekipiga Tottenham Hotspur.
Kijana
huyu akiwa na miaka 17 na siku 251, aliweka rekodi ya mchezaji mdogo kuwahi
kucheza kwenye mchezo wa mashindano ndani ya klabu ya Bayern Munich mwaka 2013.
Mbali na baba yake kukutwa na matatizo ya kansa Kocha Mkuu wa Bayern Munich, Pep
Guardiola alimsaidia baba yake na Hojbjerg kuhakikisha anapata matatibu. Hojbjerg
anasema siku ya kwanza Pep kukutana na baba yake, Pep alitoa machozi kutokana
na hali ile. Tukiachana na huyo kuna fundi mwingine aliyemtoa kijasho Jose
Mourinho. Anajulikana kama Pione Sisto. Mashabiki wa Man United watamkumbuka
vizuri kwenye mchezo wao dhidi ya CeltaVigo.
Ni
kiungo wa katikati hivi, mweusi, anakata mbuga kama N’golo Kante vile. Huenda Wadernmark
wasimsahau Michael Laudrup lakini huyu naye atakuwa mmoja kati ya lulu
walizobarikiwa kwa miaka ya hivi karibuni ukiachana na Christian Ericksen.
Akiwa na miaka 18 alikipiga katika klabu ya Midjylland na alitwaa tuzo ya
mchezaji bora wa mwaka akiwa na miaka 18 tu. Aliifungia klabu yake mabao 20
katika michezo 90, kwa idadi hiyo huku akiwa kiungo wa kati tu, Barcelona Juventus Milan na Porto zilimmendea
kwa miaka kadhaa kabla ya Arsene Wenger naye kupeleka ofa yake.
Wakati
Manchester United ilipofungwa na Midjytlland mabao 2-1 yeye alifunga bao moja na
alikuwa balaa mbele ya mabeki wa United.
Christian Ericksen
Pia,
kuna kijana mwingine anayeitwa Andreas Christensen, nadhani mashabiki wa
Chelsea wanaweza kumwelezea vizuri maana alijunga na academy ya klabu hiyo
akitokea kwenye klabu ya kwao iitwayo Brondby. Cheslea alicheza mchezo mmoja tu
kabla ya kuelekea Ujerumani. Kocha Antonie Conte alitaka kumrudisha kikosini Januari
mwaka huu. Amekuwa ndio kiongozi wa Borussia Monchengladbach akiwa na wastani
wa 4.5 kati ya 5, akiwa amejikusanyia alama 624 kutokana na kituo maarufu cha
kutoa takwimu za wachezaji kijulikanacho kama Squawka. Kwa msimu huu amezuia mipira
ya juu kwa asilimia 64, amekuwa na wastani mzuri wa pasi kwa asilimia 90
amemzidi hata Paul Pogba.
Ana
uwezo mkubwa wa kuzuia mipira, umakini katika kupiga pasi na utulivu wa kipekee
uwanjani, yaani ni kama Michael Laudrup amerudi tena uwanjani.
Ajax
nao wana Mdenmark mmoja anajulikana kama Kasper Dolberg ukimwona akiwa amevaa
jezi ya Ajax unaweza ukadhani yule dogo ni Mholanzi lakini sio. Aliyeibua
kipaji cha kijana huyu ni yuleyule skauti aliyewaleta Zlatan, Ericken, na
Fischer sokoni. Msimu huu ndani ya Ajax ana mabao 18 na ametengeneza mengine
sita katika michezo 38
Kwa
takwimu hizo huyu naye ana balaa na ndo kwanza ana miaka 18. Huu ndio kwanza
msimu wake wa kwanza katika kikosi cha kwanza ndani ya Ajax na tayari amefanya balaa.
Kwenye
mchezo wa mwisho dhidi ya Ajax ndio nilianza kumwelewa kijana huyu baada ya
kuipatia klabu yake bao la pili dhidi ya Olympic Lyon.
Ndani
ya Ligi kuu uholanzi tayari ameshafunga mabao 15 latika michezo 25 huku
michuano ya Ulaya akiwa na mabao matatu katika michezo sita huku michuano ya
Uefa akiwa na bao moja katika mchezo mmoja tu. Mpaka kufikia sasa yeye ndiye
mchezaji bora ndani ya Ligi Kuu ya Uholanzi akiwa na wastani wa 3.5 (Squawka).
Nataka
pia nikumegee tena na mtoto mmoja mchafu sana anajulikana kama Jens Odegaard,
achana na Martin Odergaad yule wa Real Madrid, huyu ana miaka17 tu, na kwenye michuano
ya Uefa ya miaka 17 tayari ameshakuwa gumzo huko. Wadernmark wanamwita Marco
Van Bastern wao, ni mshambuliaji wa mwisho.
Kasper Schmeichel
Wapo
wachezaji wengi kama kipa wao, Kasper Schmeichel anayekipiga Leicester City,
pia yupo Ericksen anayekipiga Tottenham. Pia, yupo kiungo wa zaman wa Ajax
ajulikanae kama Viktor Fischer mwenye umri wa miaka 22 ambaye aliichezea Ajax michezo
80 na kufunga mabao 25 huku akiwa na mabao matatu timu ya taifa kwenye michezo13
alitajwa kuwa mchezaji chipukizi mara mbili akiwa Denmark na baadaye akiwa
Ajax. Pia, akiwa kwenye michuano ya wachezaji wa chini ya miaka17 aliweza kuifungia
timu yake ya taifa mabao 20 katika michezo 30 na kufikisha nusu fainali ya
kombe hilo kabla ya kufungwa na Ujerumani.
Babu
yake Fischer pia alikuwa mcheza soka wa zaman wa taifa hilo, Poul Pedersen
ambaye alikuwa akisakata kabumbu kama winga teleza miaka hiyo.
Nini hasa lengo langu kuwazungumzia hawa,?
Kwanza ukiangalia Taifa la Ubelgiji lilikuja kwenye raman za soka baada ya
wachezaji wake wadogo kutambulishwa katika ligi kubwa barani Ulaya huku pia
wakiwa wachezaji tegemezi ndani ya klabu hizo. Kwa kuangalia namna Ubelgiji
walivyovuma, ni kama nao Denmark wanapitia njia ileile. Kwa mfano ukiangalia
vijana hao wote, wapo chini ya miaka 23, maana yake miaka sita ijayo Denmark
itakuwa na vijana zaidi ya wanane ambao tayari ni wachezaji wakubwa na tegemezi
katika kikosi chao.
Sisto Pione
Vijana
hao wameshaonesha viwango vikubwa kiasi kwamba tayari ni chachu kwa vijana
wengine walibakia. Sisto Pione ambaye ni mzaliwa wa Uganda tayari ameshaonesha
kiwango cha aina yake. Sisto ameikataa Uganda na kuitumikia Denmark kwa sababu
tayari ameshauona mwanga mbele yake.
Tayari
academy za Lyseng IF, academy ya Lyngby BK, Aalborg bila kusahau academy ya
Midjytlland ambayo imekuwa gumzo kwa sasa zitapata mwamko wa kuzidi kuendelea
kuinua vipaji zaidi.
Natoa angalizo ni mapema sana kufananisha
kizazi hiki na kile cha mwaka 1992 kwa upande wa mafanikio lakini tayari
wameshaonesha cheche.
Post a Comment