ROMELU LUKAKU AWA STRAIKA GHALI ENGLAND

                   LOS ANGELES, MAREKANI

MANCHESTER UNITED imefanya usajili wake wa pili katika msimu huu wa majira ya joto kwa kuvunja rekodi na kumnasa Romelu Lukaku – kuhitimisha furaha ya Kocha Jose Mourinho aliyewashinda waajiri wake wa zamani, Chelsea.

Lukaku mwenye umri wa miaka 24- ametua Old Trafford kwa ada ya uhamisho ya Pauni 75 milioni- na kumfanya kuwa straika ghari zaidi katika historia ya soka la Kiingereza.

Staa huyo wa kimataifa wa Ubelgiji ameingia dili la miaka mitano, lenye thamani Pauni 200,000-kwa wiki na uwezekano wa kuongeza mwaka mwingine zaidi. 

Atavaa jezi No 9 iliyokuwa ikivaliwa na Zlatan Ibrahimovic msimu uliopita. 

Lukaku alikuwa akiwaniwa na klabu mbili za United na klabu yake ya zamani ya Chelsea ili kutoa huduma yake na uamuzi wake umekuwa pigo kubwa kwa mabingwa watetezi, Chelsea.