NEYMAR AIVURUGA VIBAYA BARCELONA …Ronaldo ampeleka Man United

         

      

                        MADRID, HISPANIA

RAIS wa Barcelona, Josep Bartomeu amekiri kumchemsha kumshawishi supastaa Mbrazili, Neymar (pichani juu) kubaki klabuni hapo, akawaomba mastaa, Lionel Messi na Luis Suarez wajaribu kumtuliza.

Habari kutoka Hispania zinadai, Messi na Suarez wamezungumza na Neymar wakiwa katika maandalizi ya msimu jijini New Jersey na pia Gerard Pique ameongeza nguvu kumshawishi staa huyo kubaki Nou Camp.

Hali hiyo imekuja baada ya Rais Bartomeu kuwaambia waandishi wa habari Barcelona inakuwa na utulivu kuhusu ripoti za kutaka kumpoteza staa wake namba mbili katika usajili huu wa majira ya joto.

Katika hali isiyotarajiwa nyota wa mahasimu wao Real Madrid, Cristiano Ronaldo naye amemwambia Neymar aachane na mpango wa kutua Paris Saint-Germain (PSG).

Ronaldo alisema amefanya mawasiliano na Neymar na kumwambia atafanya makosa kama atajiunga na miamba hiyo ya Ufaransa. Mchezaji huyo bora a dunia amemwambia Mbrazili huyo ni bora atue Manchester United kama atakuwa tayari kuondoka Nou Camp.

... akiwa kazini

Mbali na upinzani ndani ya uwanja, Ronaldo na Neymar ni marafiki wa karibu na urafiki wao umeongezeka kutokana na wote kudhaminiwa na Kampuni ya Nike.

akiwa na Suarez na Messi

Baadhi ya magazeti ya Hispania yameripoti wawili hao wamekuwa wakijadiliana kuhusu suala hilo la Neymar kutaka kutua PSG kwa dau la Pauni 195 milioni.

Imedaiwa Ronaldo (pichani juu) amemtumia ujumbe wa WhatsApp akimuonya Neymar (25) kuhusu hatua yake ya kutaka kuachana na La Liga kwa ajili ya Ligue 1.

PSG imeahidi kumlipa Neymar Pauni 500,000 kwa wiki akijiunga na timu yao- na klabu hiyo ina mipango ya kutumia usajili  huo kujitangaza duniani.

Neymar, Messi na Ronaldo.

Lakini Ronaldo amemwambia Neymar atapiga hatua nyuma kama atang’ang’ania uamuzi wake wa kucheza ligi nyepesi na kujiunga na klabu ndogo.

Mchezaji huyo bora wa mwaka  anaamini ni klabu za Real Madrid, Manchester United au Barca ndizo zinaweza kumpandisha hadhi Neymar duniani. Na akamwambia Neymar kama ana hamu ya kuondoka Nou Camp ni bora aende Old Trafford kwa sababu ina kuongeza thamani ya picha zake duniani.

.... amemwambia Rais Bartomeu anataka kuondoka

Neymar kwa sasa yuko Marekani akiwa na Barcelona katika ziara ya michezo ya kujiandaa na msimu mpya, na alifunga mabao yote katika ushindi wa mabao 2-1 dhidi ya Juventus usiku wa Jumamosi jijini New York.

Straika huyo Mbrazili alifanya mkutano na Rais wa Barca, Josep Maria Bartomeu Ijumaa iliyopita na kuwasilisha madai yake ya kutaka kuondoka klabuni hapo.

akionyesha umuhimu wake dhidi ya Juve.

Inadaiwa Rais Bartomeu alimsihi nyota huyo asiondoke na kumpa muda ili kuweka hali ya hewa sawa. Maofisa wa Barca wanahaha kumshawishi Neymar kubaki klabuni hapo, na baada ya mchezo wa Jumamosi usiku baba wa Neymar alikutana na Bodi ya Barcelona katika kikao kizito kilichofanyika katika hoteli ya klabu hiyo.

...akiwa na Messi

PSG imeshikiria msimamo wake kuhusu uhamisho huo, lakini ikijiamini kufanya uhamisho huo mkubwa na wa kushtua. Katika miaka ya nyuma United imejaribu kumsajili Neymar mara kadhaa bila ya mafanikio.