MESSI, RONALDO, SUAREZ WATULIZA MZUKA WA NEYMAR BARCELONA

                   BARCELONA, HISPANIA

NEYMAR amewaambia mastaa wenzake wanaotengeneza kombinesheni hatari ya ‘MSN’ ndani ya kikosi cha Barcelona, Lionel Mess na Luis Suarez kuwa atabaki klabuni hapo.

Taarifa kutoka Hispania zinasema Neymar amewaambia Messi na Suarez kuwa atabaki Barcelona baada ya mastaa hao kumweka chini kuhusu uamuzi wake wa kutaka kutimkia PSG.

Mwishoni mwa wiki habari kubwa ilikuwa ni matajiri wa Qatari wanaoimiliki Paris Saint Germany (PSG) kuwa tayari kulipa kiasi cha Pauni 195 milioni kinachomrushu staa huyo wa kimataifa wa Brazil kuondoka Barcelona.

PSG ilikuwa tayari kumlipa Neymar Pauni 25 milioni- kwa mwaka kama angemwaga wino kuwatumikia mabingwa hao wa Ufaransa.

Rais wa Barcelona, Josep Bartomeu alisisitiza straika huyo mwenye umri wa miaka 25-hakuwa sokoni, ingawaje Neymar mwenyewe amebaki na shaka na maisha yake ya baadaye.

Mazungumzo kati ya Neymar na mastaa wenzake wa Barcelona walioko katika maandalizi ya msimu mpya Marekani, yalichukua takribani saa moja kwa mujibu wa Mwandishi wa Hispania, Toni Frieros.

Watatu wanaounda MSN

Messi na Suarez walimshawishi Neymar kuachana na ofa ya PSG na kuendelea na maisha yake Barcelona.

Pia, staa wa wapinzani wa jadi wa Barcelona, Cristiano Ronaldo naye alimshauri kupitia Mtandao wa WhattsAp Neiymar kubaki Barca.

Nabaki Barcelona

Ronaldo alidai PSG ni timu ndogo na bora angejiunga na Real Madrid au Manchester United kama akitaka kuondoka Barcelona.

Staa huyo alidai PSG isingeweza kumpa umaarufu mkubwa Neiymar kama ambao angeupata Man United.

Awali ilidaiwa Rais wa Barcelona Bartomeu aliwaomba mastaa hao kuzungumza na Neymar ili kumsihi asikubali kuchana na klabu hiyo baada ya kushindwa kufanya hivyo.

Ronaldo

Kwa sasa Barcelona imepumua baada ya kauli hiyo inayohitimisha tetesi hizo za uhamisho.  Na msemaji wa miamba hiyo ya Hispania alisitiza kuwa Neymar hatauzwa.

“Kumuuza Neymar siyo kitu ambacho klabu inachokifikiria,” alisema Josep Vives katika mkutano na waandishi wa habari.
“Tuna utulivu sana. Ni mmoja kati ya wachezaji muhimu tuliyenaye, hatutazingatia ofa yoyote itakayoletwa kwa ajili yake.”