MASKINI BEKI WA MAN UNITED ALA KITANZI

                              MANCHESTER, ENGLAND

ERIC BAILY (pichani juu) wa Manchester United amefungiwa mechi tatu baada ya kupata kadi nyekundu katika mchezo wa Europe League dhidi ya Celta Vigo.

Beki huyo wa kati mwenye umri wa miaka 23- alitolewa nje baada ya kurusha ngumi katika mchezo wa nusu fainali uliochezwa Mei 11 na akakosa fainali dhidi ya Ajax, ambayo United ilishinda mabao 2-0.

Hata hivyo, adhabu imeongezwa na sasa atatumikia mechi mbili zaidi.

Kwa maana hiyo, Bailly ataukosa mchezdo wa Super Cup dhidi ya Real Madrid utakaopigwa Agosti 8 na mchezo wa kwanza wa makundi wa Ligi ya Mabingwa Ulaya.

Beki huyo wa kimataifa wa Ivory Coast kesi yake haiwezi kukatiwa rufaa kwa sababu bodi ya Uefa hufanya uamuzi kutokana na kile kilichoamuliwa na mwamuzi.

Bailly alitolewa kwa kitendo chake cha kumrushia ngumi mchezaji wa Celta Virgo ambaye aliwahi kuitumikia Manchester City, straika, John Guidetti.  Na mchezaji wa Celta Virgo, Facundo Roncaglia alitolewa kwa kadi nyekundu katika mchezo huo kwa kosa la kurudishia.

Manchester United pia ilipokea onyo kali kutoka Uefa kwa kosa hilo.

Top of Form

Bottom of Form