MASIKINI WENGER, ALA ZA USO AIBUKIA KWA MARTIAL

                       LONDON, ENGLAND

AKUFUKUZAE hakwambii toka unaaambiwa. Arsene Wenger si unamtaka Kylian Mbappe? Basi bana akaletewa bei yake, alichokifanya kocha huyo, utacheka.

Akazitazama hizo namba mara mbili, kisha akasema siyo ishu, akaachana naye, hapohapo akachenji gia na sasa anapanga kuvamia klabuni Manchester United kumng’oa straika Anthony Martial.

Wenger aliambiwa na Monaco kwamba ili waketi chini kuanza mazungumzo kuhusu Mbappe basi ni lazima iwekwe mezani Pauni 130 milioni kama kianzio cha mazungumzo ndipo hapo kocha huyo Mfaransa alipoona miyeyusha na kufuta mpango wa kumnasa staa huyo.

Dhamira ya kuwa na Wafaransa kwenye fowadi yake ya Arsenal kwa msimu ujao imezidi baada ya kugonga mwamba huko, Wenger amemua kumtolea macho Martial na anaamini kwamba Pauni 40 milioni zitatosha kumng’oa mshambuliaji huyo kutoka Old Trafford.

Wenger alitaka sana kumsajili Mbappe, lakini straika huyo kinda amezidiwa na mpango wa kwenda Real Madrid jambo lililowafanya AS Monaco kumtajia bei kocha huyo na kumwondoa kabisa kwenye kinyang’anyiro.

Wenger

Lakini, kuhusu Martial haifahamiki kama Wenger atakubaliwa na Jose Mourinho kwenye hilo hasa baada ya makocha hao wawili kuwa na upinzani mkali sana.

                      Antony Martial

Man United ilimsajili Martial kutoka Monaco karibu misimu miwili iliyopita na katika msimu uliopita alianzishwa kwenye mechi 18 tu katika Ligi Kuu England.