MOURINHO AMREJESHA SCHWEINSTEIGER KUNDINI

MANCHESTER, ENGLAND

JOSE MOURINHO ametetea uamuzi wake wa kumrudisha kiungo, Bastian Schweinsteiger katika kikosi cha kwanzaa cha Manchester United na kusema ni uamuzi wa kitaamu zaidi.
Kocha Mourinho alisema  nahodha huyo wa zamani wa timu ya taifa ya Ujerumani alifanya vizuri alipokuwa nje ya kikosi hicho na alitumika pindi palipokuwa na tatizo katika nafasi ya kiungo.
Jumatatu, United iliachia picha zinazomuonyesha Schweinsteiger na  Henrikh Mkhitaryan wakiwa mazoezini.
Kiungo, Schweinsteiger alisajiliwa na Kocha Louis van Gaal mwaka 2015 aliatemwa kufanya mazoezi na kikosi cha kwanza  kufutia kuwasili kwa Mourinho katika majira ya joto.
Kiungo huyo alisema atakuwa tayari kuondoka Agosti pindi ikitokeaa timu inayomhitaji lakini  United ilimfananisha mchezaji huyo na rasilimali ya klabu.

Schweinsteiger mazoezini

 Nyota huyo mwenye umri wa miaka 32 alijumlishwa katika kikosi cha wachezaji 25 wa Ligi Kuu lakini hajajumuishwa katika Europa League, ikimaanisha kwamba hataweza kucheza katika michuano ya Ulaya hadi mashindano hayo yatakapofikia katika hatua ya mtoano.

              Schweinsteiger akitaniana na wenzake

 Hata hivyo imebainika kwamba, kurudishwa kwake kumetokana na Ander Herrera-mwenye jukumu la kucheza kwenye nafasi kuonyeshwa kadi nyekundu Jumamosi katika mchezo dhidi ya Burnley ulioisha kwa sare ya 0-0.
Kiungo Schweinsteiger hakuonyesha dalili za upinzani kuhusu kuwekwa kwake nje ya kikosi, akituma ujembe chanya katika akaunti zake za mitandao ya kijamii.
Na akizungumza katika mkutano Jumatano, Mourinho alisema: "Schweinsteiger amerudi.
"Tulifanya uamuzi huo Alhamisi iliyopita. Tulimpigia simu Ijumaa  iliyopita anaweza kuungana na timu Jumatatu.
"Ni uamuzi ambao unaendana na ukweli kwamba tupo katika kipindi cha msimu mgumu ambao unahitaji unatuhitaji kuwa pamoja na kila mtu.

Schweinsteiger akipasha misuli

 "Ukimwangalia Bastian na jinsi alivyofanya kazi kila siku na makocha wazuri, tunadhani tumefanya uamuzi wa kitaalamu  kumrudisha kwenye timu.
"Tutajiandaa vizuri na kuwa katiak hali nzuri- labda katikan uamuzi wake wa baadaye wa kuondoka klabuni.
"Kwa sasa hatuna matatizo katika nafasi ya kiungo, kama tulivyo kwenye ulinzi. Kama tutakuwa na matatizo katika kiungo, yeye ni suluhisho letu."

Kocha Mourinho.

Wachezaji wanne wa safu ya ulinzi ya United imekumbwa na majeraha - Antonio Valencia, Eric Bailly, Chris Smalling na Phil Jones na kuukosa mchezo wa Burnley.
Beki Marcos Rojo na Matteo Darmian walianza kwa mara ya kwanza kwenye Ligi Kuu msimu huu, lakini Phil Jones amerudi mazoezini na ametajwa katika kikosi cha wachezaji 21- katika mchezo wa Alhamisi wa Europa League dhidi ya Fenerbahce.