BEKI MUSTAF AZUA HOFU KUBWA ARSENAL

MUNICH, UJERUMANI

SHOKODRAN MUSTAFI (pichani juu) amewatia jakamoyo mashabiki wote wa Arsenal wa duniani baada ya kuumia akiitumikia Ujerumani.

Beki huyo wa kati alipangwa katika listi ya wachezaji wa Ujerumani waliokuwa wakimuaga Bastian Shweinsteiger katika mchezo wake wa mwisho wa kimataifa dhidi ya Finland, lakini aliondoka uwanjani akiwa anachechemea kwa maumivu ya enka katika kipindi cha pili.

Mustafi alikuwa anaweza kuendelea kucheza, lakini haikujulikana alikuwa ameumia kwa kiasi gani.
Mchezaji huyo wa zamani wa Everton amejiunga na Arsenal akitokea Valencia kwa dili la Pauni 35 milioni Jumanne, saa chache baada ya kukamilika kwa dili la straika wa Hispania, Lucas Perez.

Mustafi anatarajiwa kupangwa kucheza pembeni ya Laurent Koscielny sehemu ya ulinzi na kuwa moyo wa Arsenal msimu huu, lakini kupona kwake haraka kutaifanya Gunners kuwa imara.

Kocha Arsene Wenger  anaamini hatakuwa na tatizo kubwa, ndio maana akalazimika kuwapanga Rob Holding  na Calum Chambers katika mchezo wa nyumbani wa ufunguzi wa Ligi Kuu  dhidi ya Liverpool na kuchezea kichapo cha mabao 4-3.

Beki Per Mertesacker atakuwa nje kwa muda mrefu na  Gabriel Paulista pia anaendelea kuuguza majeraha.
Lakini Koscielny anarudi akiwa kamili  na Wenger anatarajiwa hatapoteza muda wa kumpanga na Mfaransa huyo sambamba na Mustafi.