UNITED YAJISIFU KUIPIGA BAO MADRID KWA POGBA

MANCHESTER, ENGLAND

MANCHESTER UNITED imeivuruga heshima ya Real Madrid katika ufalme wa soko la usajili duniani.

Maofisa kwa klabu hiyo wanaamini wamefanya kitu kikubwa kwa kuwashinda Mabingwa wa Ulaya kwa kumsaini Paul Pogba na kuweka rekodi ya dunia ya dili la Pauni110 milioni.

Real Madrid iliweka rekodi tano za dunia, ikiwemo kumsaini nyota wa Ligi Kuu, Cristiano Ronaldo kutoka United na Gareth Bale kutoka Spurs – ilipambana kumpata Pogba kutoka Juventus na ofa yao ilikuwa sawa na ile ya United.

Hadi Jumanne usiku miamba hiyo ya Old Trafford ilikuwa ikiendelea kushangilia kumnasa Pogba na vyanzo vimekanusha kwamba Real ilifanya majaribio ya kumnasa Pogba chini ya kiwango cha maslahi yao.

United inajivunia mafanikio haya dhidi ya miamba hiyo ya Hispania na inasisitiza nguvu yao kubwa na ile ya bosi wao mpya, Mourinho ndio iliyozaa mafanikio.

Nyota huyo wa kimataifa wa Ufaransa, Pogba usajili wake umebadili mwenendo wa nyota kama Luis Suarez, Ronaldo na Bale kuachanana Ligi Kuu kwa ajili ya La Liga, na United ina furaha kuipiga bao  Madrid kwa sababu bosi wake Zinedine Zidane ni Mfaransa mwenzake na Pogba.

United inafikiria, kuwasili kwa  Pogba kumewapa ushindi mara mbili  dhidi ya Real baada ya miamba hiyo ya Bernabeu kushindwa kumrubuni kumrudisha nyumbani (Hipsania) kipa, David De Gea mapema kwenye msimu huu wa majira ya joto.

Mkongwe wa United, Gary Neville anakiri kwamba kitendo cha Pogba kusaini ni ishara ya kuhama kwa ushawishi wa nguvu  kati ya England na Hispania.

Neville alisema: “Nadhani ni ada kubwa, lakini Ligi Kuu  imeshapoteza wachezaji wa kushoto, kulia  na wakatikati kwa Hispania – wote wachezaji wa daraja A.

“Hatukuweza kuwashawishi wachezaji kuja hapa wakati sisi ndio bora. Sasa tumesajili mchezaji ambaye anaonekana kuwa ndiye usajili mkubwa wa majira ya joto.”

Mchezaji wa zamani wa Barcelona, straika Gary Lineker anadhani usajili wa Pogba ni mabadiliko ya soko la usajili.

“Kusajiliwa kwa Pogba na Man United kunamaanisha sasa ni wakati muhimu wa Ligi Kuu,” alisema. “Kwa mara ya kwanza nyota mkubwa wa kigeni akiwa katika ubora wake ametua England.

"Miamba mingine itakuja hapa na siyo tena kwa Barca na Real Madrid.”