CONTE: NANI DIEGO COSTA? HAUZWI NG'O

LONDON, ENGLAND

ANTONIO CONTE ameweka wazi kwamba straika wake Diego Costa kamwe hauzwi.
Costa mzaliwa wa Brazil mara kwa mara amekuwa akihusishwa na mpango wa kurejea Atletico Madrid ambako aliitumikia klabu hiyo kwa miaka sita kabla kabla ya kutua London ya Magharibi na kutamba kwa misimu miwili.
Kwa siri Atletico imekuwa ikifanya jitihada za kumrudisha straika huyo Calderón, huku nahodha wa klabu hiyo, Gabi akiwa mmoja kati ya wachezaji wa zamani wanaowasiliana na Costa kwa ujumbe mfupi wa maneno (SMS) na kumshawishi kurudi.

Costa alipokuwa na Atletico Madrid

Tetesi zilizozagaa Jumatatu jioni ni kwamba Rais wa Atletico Madrid, Enrique Cerezo aliweka wazi kwamba wanalifanyia kazi dili la mchezaji huyo wa kimataifa wa Hispania kurudi Vicente Calderon.
Lakini Kocha wa Chelsea, Antonio Conte anamuona Costa ni sehemu kati ya wachezaji waliopo katika mipango yake, na amesisitiza hayuko katika shinikizo la kumuuza.

Costa akiwa na Chelsea

Akizungumza kwenye mkutano wa waandishi wa habari  Jumanne iliyopita, kocha huyo wa zamani wa Juventus ya Italia alisema: "Diego Costa ni mchezaji wetu, ni mchezaji mzuri aliye na umuhimu mkubwa sana. Ana furaha na ni mchapakazi kwelikweli."

...Kocha Conte

Aidha Conte alisema winga wa Colombia, Juan Cuadrado atapewa nafasi ya kuonesha uwezo wake kabla ya kuchukuliwa uamuzi mwingine mbele ya safari.
Alisema: "Cuadrado ni mchezaji wa Chelsea. Nampenda. Amewasili leo na mchana ameanza mazoezi."