YANGA MGUU NDANI, MGUU NJE

NA ABEID POLO

MABINGWA wa Tanzania Yanga wamelazimishwa sare ya bao 1-1 na Al Ahly ya Misri katika mchezo wa kwanza wa Mabingwa Afrika uliochezwa Uwanja wa Taifa, jijini Dar es Salaam.

Kutokana na matokeo hayo, Yanga imejiweka katika mazingira magumu pindi itakapoenda kcuheza mchezo wa marudiano Misri dhidi ya miamba hiyo ya Afrika.

Mashabiki wa Yanga

Yanga itatakiwa kupata ushindi katika mchezo huo au hata kulazmisha sare ya mabao zaidi ya 1-1.

Al Ahly ilikuwa ya kwanza kupata bao katika kipindi cha kwanza, lililofungwa na Amr Gamal na Yanga ilisawazisha kwa bao la kujifunga la beki wa Al Ahly kufuatia mpira uliopigwa na Issoufou Boubacar na kumbabatiza beki Ahmed Hegazzy.

Gamal alifunga kwa kichwa akimalizia mpira wa adhabu ya Ramadan Sobhi. Bao la Yanga lilipatikana katika dakika ya ya 18.

 Katika mchezo huo, Al Ahly ilikuwa ikicheza pasi fupifupi na kutawala mchezo ikiwa ni mbinu ya kujihami na Yanga ilifanya makosa kuiga mchezo huo.

Shabiki akitabili matokeo.

Katika kipindi cha pili, Al Ahly iliingia kwa kasi na kulisakama lango la Yanga kwa mipira merefu ya kushtukiza lakini hadi mwisho mchezo huo uliisha kwa sare.

Kama Yanga itatolewa katika mchezo utaochezwa Misri Aprili 19, mwaka huu itashindwa kufuzu kwa hatua za makundi ya Ligi ya Mabingwa Afrika.

Hata hivyo, itaangukia katika michuano ya makundi ya Kombe la Shirikisho.

Mashabiki wa Al Ahly

Kikosi cha Yanga kilikuwa hivi: Ally Mustafa ‘Barthez’(Dida) ‘Dida’, Juma Abdul, Mwinyi Hajji, Kevin Yondan, Vincent Bossou, Thabani Kamusoko, Deus Kaseke, Salum Telela, Amissi Tambwe (Simon Msuva), Donald Ngoma, Issoufou Boubakar (Godfrey Mwashiuya).