SIYO GUARDUOLA, MAN CITY INAMRUDISHA RONALDO

NYON, SWITZERLAND

MANCHESTER CITY itacheza dhidi ya Real Madrid katika nusu fainali ya Ligi ya Mabingwa Ulaya.

Tofauti na utabiri wa watu wengi kwamba Man City ingeweza kucheza na Buyern Munich  inayofundishwa na kocha wake mtarajiwa, Pep Guardiola.

Man City iliitoa Paris Saint-Germain katika hatua ya robo fainali  kwa bao la Kiungo Mbelgiji, Kevin De Bruyne aliyeihakikishia ushindi wa  bao1-0 uwanjani Etihad na kuifanya miamba hiyo Ligi Kuu England  kupita kwa jumla ya mabao 3-2.

Real Madrid ilifufuka baada ya kichapo cha mabao 2-0 katika mchezo wa kwanza dhidi ya Wolfsburg na kusonga mbele kufuatia ‘hat-trick’ ya mchezaji wa zamani wa Manchester United, straika Cristiano Ronaldo.

Ronaldo na nyota mwenzake wa zamani wa Ligi Kuu, Gareth Bale watarudi England.

 Man City itaanzia nyumbani katika mchezo wa kwanza  utakaopigwa Aprili 26 au 27 kabla ya mchezo wa marudiano uwanjani Bernabeu wiki moja baadaye.

Timu hiyo ya ‘Wananchi’ ilikutana na Real Madrid katika Ligi ya Mabingwa hatua ya makundi msimu wa 2012-13.

Katika mchezo wa kwanza uliopigwa Bernabeu, Real iliifunga City mabao 3-2  kwa mabao ya Marcelo, Karim Benzema na Ronaldo, wakati mabao ya Man City yalifungwa na Edin Dzeko na Aleksandar Kolarov.

Kipa wa Man City, Joe Hart akishangilia na Fabiani Delph. Mchezo wa marudiano jijini Manchester uliisha kwa sare ya bao 1-1, bao la penalti la Sergio Aguero likiwa la kusawazisha baada ya Benzema kuipa Real bao la kuongoza katika dakika ya  10. 

Nusu fainali nyingine itakuwa itazikutanisha Atletico Madrid, ambayo iliitoa Barcelona, dhidi ya Bayern Munich, inayonolewa na Guardiola ambaye hizi zitakuwa fainali zake za mwisho kabla ya kuanza majukumu mapya Man City msimu ujao.

Ronaldo atarudi jijini Manchester

Kuna historia ilizozikutanisha Bayern Munich na Atletico Madrid zilipokutana mwaka 1974 katika fainali ya Kombe la Ulaya.

Mchezo wa kwanza uliofanyika Heysel Brussels uliisha kwa sare ya bao 1-1baada ya dakika 120, baadaye Bayern ilishinda mabao 4-0 katika mchezo wa marudiano kwa mabao ya Gerd Muller na Uli Hoeness.