NEYMAR ATUA ENGLAND ASHTUA

LONDON, ENGLAND

NEYMAR ameongeza uvumi zaidi  kwamba anaweza kutua kuitumikia Ligi Kuu England baada ya kuhudhuria sherehe za Tuzo za PFA.
Staa wa Leicester, Riyad Mahrez alitangazwa kuwa mchezaji bora  kwa kushinda tuzo hizo.
Lakini staa huyo wa Barcelona alivuta hisia za watu wengi baada ya kuonekana akiondoka katika klabu ya usiku yenye hadhi ya nyota tatu, Libertine akiwa na Mkurugenzi, Niall Horan.
Mbrazili huyo alipewa siku mbili za mapumziko na bosi wake wa Nou Camp, Luis Enrique baada ya Barca kurejea kileleni kwa kuifunga  Sporting Gijon mabao 6-0.

Neymar alifunga bao la tano  katika mchezo huo na kuwa na rekodi ya mabao mawili katika michezo miwili.

Fununu zimejaa kwamba, Barcelona iko tayari kumwachia staa huyo aondoke. Na kwa muda sasa Man United imetajwa kumwania Mbrazili huyo ambaye inadaiwa wawakilishi wake wamekuwa tayari kutimiza matakwa ya mkataba wake Barcelona kwa kulipa Pauni milioni 144.

Man United pia iko tayari kumpa Neymar mshahara wa Pauni 300,000 kwa wiki kama atatua Old Trafford.  Mbrazili huyo analipwa Pauni 77,000 kwa wiki na Barcelona.

Mipango ya  Man United kumnasa Neymar inaweza kupotea hewani kama itashindwa kufuzu kwa Ligi ya Mabingwa Ulaya msimu ujao.

Mpaka sasa United inashika nafasi ya tano ikiwa nyuma ya  Arsenal na Manchester City.

Barcelona nayo iko katika wakati mgumu kuweza kuwalinda mastaa wake kutokana na mahitaji yao, mbali na Neyma pia inao wachezaji wengine mashahuri, Messi na Luis Suarez.