MOURINHO AIBUKIA KWENYE NGUMI

LONDON, ENGLAND

JOSE MOURINHO alikuwa mmoja wapo kati ya watu wa kwanza kumpongeza bingwa mpya wa dunia wa IBF, Anthony Joshua  kufuatia ushindi wake dhidi ya Charles Martin.

Bosi huyo wa zamani wa  Chelsea alikuwa shuhuda wakati bondia  huyo Muingerza alipomwangusha mara mbili bingwa wa zam,ani Martin katika raundi ya pili  na kutwaa taji la IBF.

Baada ya pambano hilo, Mourinho alikuwa nyuma ya jukwaa kumsalimia Joshua na alirudi naye hadi katika chumba chake cha kubadilishia nguo na kuendelea na kusherehekea  ushindi.

Watu wote maarufu waliokuwepo katika Ukumbi wa O2 Arena walimtakia heri Joshua baada ya kushinda taji lake la kwanza  la dunia. 

Baadhi ya mastaa wengine mbali na Mourinho waliokuwepo  katika ukumbi huo ni Andros Townsend, nahodha wa West Ham, Mark Noble. Mwenyekiti wa West Ham David Sullivan alikuwapo sambamba na mwigizaji Tamer Hassan.

Straika wa Watford, Troy Deeney na Scoott Sinclair wa  Aston Villa, mchezaji wa zamani wa Liverpool, Jamie Redknapp alikuwapo sambamba na mchekezaji, Jack Whitehall. 
Hata hivyo alikuwa ni kocha huyoa aliyeipa ubingwa wa Ligi Kuu Chelsea msimu uliopita alialikwa kusherehekea na bingwa huyo mwenye umri wa miaka 26.

Picha zilimwonesha Mourinho akiwa na bondia huyo katika chumba cha kubadilishia nguo, na Mreno huyo akiushika mkanda wa  ubingwa wa Joshua .