MAN CITY YAFUFUA MATUMAINI YA KUMNASA MESSI

MANCHESTER, ENGLAND

MANCHESTER CITY imeongeza matumaini ya kuinasa saini ya straika, Lionel Messi mwishoni mwa msimu baada ya mazungumzo ya mkataba kati ya staa huyo wa Argentina na klabu yake ya Barcelona kukwama.
Na kwa mujibu wa chanzo cha kuaminika mazungumzo kati ya pande hizo mbili yako mbali kufikia muafaka.

Man City imewaambia wawakilishi wa Messi mwenye umri wa miaka 28, kwamba iko tayari kumlipa Pauni 800,000 kwa wiki na kumuunganisha na bosi wake wa zamani Pep Guardiola.

Messi anataka kuongezwa mkataba wa miaka mitatu na Barcelona na mkataba wake wa sasa unaisha mwishoni mwa mwaka 2018.

Messi akifunga bao dhidi ya Bayern Munich.

Rais  wa Barcelona, Josep Bartomeu amemuonya baba wa mchezaji huyo na wakala wake kwamba klabu hiyo haiwezi kumudu mahitaji ya mkataba huo unaotakiwa.

Man City imeweka wazi kwa wawakilishi wa Messi kwamba wako tayari kutimiza lengo lake kwa kumpa mkataba wa miaka mitano.

Barcelona haitaki kumpa Messi miaka mitatu Messi kwa kuhofia staa huyo atawatia hasara mbele ya safari  kwa kuwa atakuwa anakula pesa za bure baada ya kuisha kwa kipaji chake.