MANCHESTER,
ENGLAND
MANCHESTER
United inamtaka straika Zlatan Ibrahimovic, lakini yeye ameiambia ni kocha Jose Mourinho peke yake ndiye atabadilisha maisha Old
Trafford, la sivyo itakula kwao jambo linalowafanya kuwa na presha kwa sababu
Real Madrid imeibuka na inamtaka Mreno
huyo.
“Jose
anafanikiwa popote pale anakokwenda kuwa kocha, yupo hivyo. Namheshimu sana kwa
sababu anazungumza chochote anachotaka, lakini ukimsikiliza siku zote yupo
sahihi. Ni kocha mwenye ujuzi na anayejali," alisema Ibrahimovic kuhusu
Mourinho.
Ibrahimovic
Hata
hivyo, wakati Man United ikijiamini itawanasa mastaa hao wawili kwa mpigo
mwisho wa msimu huu, Real Madrid imeibuka na kuweka wazi dhamira yao ya
kumrudisha Mreno huyo Santiago Bernabeu kama watatupwa nje ya michuano ya Ligi
ya Mabingwa Ulaya Jumanne ijayo.
Rais wa Real Madrid, Florentino Perez
alishindwa kumrudisha Mourinho Januari mwaka huu wakati alipomtimua Rafa
Benitez, lakini sasa anafikiria kumchukua na kuifanya Man United kuwa na
presha.
Van Gaal
Real
Madrid ikiwa chini ya Zinedine Zidane ilichapwa 2-0 na VfL Wolfsburg katika
mchezo wa kwanza wa hatua ya robo fainali ya Ligi ya Mabingwa Ulaya na hivyo
bosi Perez ana wasiwasi huenda wakaishia kwenye hatua hiyo ya robo fainali na
kufikiria kumpata kocha mwenye hadhi kubwa wa kiwango cha Mourinho.
Matumaini
ya Man United ni kwamba Mourinho atagomea ofa hiyo ya Real Madrid ili atue
kwenye kikosi chao, huku akiripotiwa kuanza kutafuta nyumba ya kuishi huko Cheshire,
eneo maarufu lenye mastaa wengi wa Man United.
Wakala wa Mourinho, Jorge Mendes
aliripotiwa kuwa na kikao na Makamu Mwenyekiti wa Man United, Ed Woodward juu
ya kumchukua Mourinho awe kocha wao msimu ujao.
Man
United inaripotiwa kujiandaa kuachana na kocha Louis van Gaal baada ya mambo
kuonekana kwenda kinyume na matarajio licha ya kufanya usajili wa nguvu kwenye
dirisha la usajili lililopita ambapo tangu Mdachi huyo atue Old Trafford,
ametumia zaidi ya Pauni 250 milioni kufanya usajili.
United
kwa sasa inashika nafasi ya tano kwenye msimamo wa Ligi Kuu England, ikipambana
kusaka nafasi ya kufuzu kucheza Ligi ya Mabingwa Ulaya msimu ujao ambao
Jumapili itakuwa na shughuli pevu dhidi ya Tottenham Hotspur kwenye mchezo wa
ligi uwanjani White Hart-Lane.
Mourinho
Kikosi
hicho kinahitaji kupata ushindi katika mechi zake zote zilizobaki ili kupenya
ndani ya nne bora, kitu ambacho ndicho kitakachoifanya ifuzu kwa michuano ya
Ulaya msimu ujao.
Ligi
Kuu England itaendelea wikiendi hii, ambapo Jumamosi, Arsenal itakuwa
ugenini kwa West Ham, Watford itacheza na Everton, Swansea na Chelsea,
Southampton na Newcastle, Crystal Palace na Norwich City, Aston Villa na
Bournemouth na Manchester City na West Brom, wakati mechi nyingine za Jumapili ni
Sunderland na vinara Leicester City na Liverpool na Stoke City.
Post a Comment