ARSENAL YAKATA PUMZI MBIO ZA UBINGWA

WEST HAM, ENGLAND

ARSENAL imekata pumzi baada ya kulazimishwa sare na West Ham uwaanjani Upton Park na kutanua ukubwa wa pointi zake dhidi ya vinara wa ligi hiyo Leicester City.

Mpaka sasa Arsenal inayonolewa na Mfaransa, Arsene Wenger iko nyuma kwa pointi 11 kutokana na sare hiyo ya mabao 3-3 katika mchezo mkali wa Ligi Kuu.

Carrol

Katika mchezo huo, Arsenal ilikuwa ikiongoza kwa mabao 2-0 yaliyofungwa na Ozil na Sanchez  katika dakika ya 18 na 35.

Straika wa zamani wa Liverpool, Andy Carroll aling’ara katika mchezo huo baada ya kufunga ‘hat-trick’, alianza kwa kusawazisha mabao hayo katika dakika za  44 na 45 na baadaye kuifungia West Ham bao la kuongoza katika dakika ya 52.

Ozil akifunga.

Beki wa kati, Laurent Koscielny aliinusuru Arsenal kupokwa poingi zote tatu baada ya kusawazisha bao la tatu katika dakika ya 70.

                                                    Ozil akishangilia bao na wenzake.
Matokeo ya michezo mingine iliyochezwa hadi tunakwenda mitamboni ni: Aston Villa 1 - 2  Bournemouth Crystal Palace 1 - 0 Norwich Southampton 3 - 1 Newcastle Swansea City 1 - 0 Chelsea Watford 1 - 1 Everton.