GUARDIOLA KUWAKIMBIZA MAKOCHA ENGLAND

LONDON, ENGLAND

ANTONIA CONTE ataingiza Pauni Pauni 6.5 milioni kwa msimu atakapoanza kazi Chelsea baada ya kusaini mkataba wa miaka mitatu kutoakana na kipato hicho, atashika nafasi ya tano kwa kulipwa zaidi katika Ligi Kuu England.

Kocha, Jose Mourinho alikuwa akipata Pauni 13.2 milioni alipokuwa Chelsea, lakini Pep Guardiola atapata zaidi ya kiasi hicho, akijiunga na Manchester City mwishoni mwa msimu, kocha huyo ataingiza Pauni 15 milioni kwa mwaka  .

Je, unaulinganishaje mshahara wa Conte na makocha wengine wa Ligi Kuu England?  Hapa chini tunakuletea kile wanachokipata makocha wanaofundisha ligi hiyo kwa mujibu wa taarifa zilivyopatikana hivi karibuni bila ya kujumisha bonasi zao.

              Arsenal, Arsene Wenger – Pauni 8.3 milioni

Kocha huyo wa Arsenal anaingiza  Pauni 8.3 milioni na mkataba wake unafikia kikomo 2017.

Aston Villa, Remi Garde – Pauni 2 milioni

Kocha wa Aston Villa, Eric Black anapata sawa kama mtangulizi wake, Tim Sherwood ambaye alikuwa akipata Pauni 2 milioni kwa mwaka kabla ya kufukuzwa.

                   Bournemouth, Eddie Howe-Pauni 750,000

Bournemouth pamoja na kwamba hali ya hewa imechafuka na kuwa katika harakati za kupambana kutoshuka daraja. Kwa sasa iko nafasi ya 18, bado kocha wake analipwa Pauni 750,000 pamoja na matatizo yake.

      Chelsea, Antonio Conte – Pauni 6.5 milioni

Conte atachukua Pauni 6.5 milioni kwa mwaka. Muitaliano huyo atapata bonasi ya Pauni 5 milioni kama ataweza kutwaa Kombe la Ligi ya Mabingwa.

Crystal Palace, Alan Pardew- Pauni 1.5 milioni

Crystal Palace inajaribu kujiondoa katika hatari ya kushuka daraja na kocha wake, Pardew anaingiza Pauni 1.5 milioni kwa mwaka.

                 Everton, Roberto Martinez – Pauni 3 milioni

Martinez aliahidi kuipeleka timu hiyo katika Ligi ya Mabingwa Ulaya wakati alipowasili Everton, lakini sasa anatimiza mwaka wa nne wa mkataba wake wenye thamani ya Pauni 3 milioni, akiwa  bado hajatimiza ahadi yake.
Leicester City, Claudio Ranieri – Pauni1.5 milioni

Kuna uwezekana akatwaa ubingwa mwishoni baada ya raundi sita zijazo na anaingiza Pauni 1.5 milioni kwa mwaka. Hata hivyo, Ranieri anajiopanga kuzawadiwa mshahara wake mara mbili mwishoni mwa msimu.

              Liverpool, Jurgen Klopp – Pauni 7 milioni

Brendan Rodgers, iliaminika kwamba alikuwa akilipwa nusu ya Pauni 7 milioni kwa mwaka. Lakini Mjerumani, Jurgen Klopp analipwa kiasi hicho kizima.

                 Manchester City, Pep Guardiola – Pauni 15 milioni

Guardiola ataondoka Bayern Munich mwishoni mwa msimu huu  na kujiunga na Manchester City, ambayo itamlipa Pauni 15 milioni kwa mwaka. Inadaiwa kocha wa sasa Manuel Pellegrini hapati hata nusu ya kiasi hicho.

          Manchester United, Louis van Gaal – Pauni 7.3 milioni

Van Gaal analipwa Pauni 7.3 milioni lakini kama kocha Jose Mourinho atachukua nafasi yake mwishoni mwa msimu kama inavyodaiwa, atadai malipo yanayokaribia na yale aliyokuwa akilipwa Chelsea, Pauni 13.2 milioni.

              Newcastle United, Rafa Benitez – Pauni 4 milioni

Benitez anashikishwa Pauni 4 milioni kwa mwaka katika mkataba unaomtaka kuifufua Newcastle hata kama kuna  kifungu katika mkataba wake anaweza kuondoka kama timu itazidi kushuka.

              Norwich City, Alex Neil – Pauni 750,000 milioni

Neil anajaribu kuilinda Norwich kusonga mbele katika mikono salama na inafahamika kwamba anachukua mshahara sawa na anaupata Howe wa Bournemouth.

              Southampton, Ronald Koeman- Pauni 2 milioni

Mkataba wa Kocha Koeman unafikia kikomo lakini kocha huyo wa Southampton hajafanya uamuzi kama ataendelea kuwepo St Mary hadi mwishoni mwa msimu. Kwa sasa anaingiza Pauni 2 milioni.

              Stoke City, Mark Hughes – Pauni 1 milioni

Hughes inasemekana analipwa Pauni 1milioni kwa mwaka uwanjani Britannia huku klabu hiyo ikiwa katika nafasi ya nane hadi sasa.

               Sunderland, Sam Allardyce – Pauni 3 milioni

Allardyce anajaribu kuisogeza sehemu salama Sunderland na amekuwa akipata karibu Pauni 3  milioni kwa mwaka kwa kufanya kazi hiyo.

             Swansea City, Francesco Guidolin – Pauni 1milioni

Pamoja na kutowekewa bonasi ya kukiokoa kikosi hicho, Swansea inamlipa Guidolin  Pauni 1milioni. Mkataba wake utahitajika kutazamwa upya mwishoni mwa msimu.

Tottenham Hotspur, Mauricio Pochettino – Pauni 3.5 milioni

Tottenham inapambana kusaka ubingwa ikiwa inaifukuza Leicester huku kocha wake, Pochettino akichukua Pauni 3.5m baada ya kumwaga wino katika dili la miaka mitano mwaka 2014.

             Watford, Quique Sanchez Flores - Pauni1milioni

Slavisa Jokanovic alitaka kulipwa Pauni 2.5 milioni lakini, Watford ilikataa na kutaka kumpa Pauni 1milioni, aliachana nayo.

Klabu hiyo ikarudi tena kwa Flores ambaye alikubali dau hilo.

West Bromwich Albion, Tony Pulis – Pauni 2 milioni

Pulis inadaiwa amehitaji kulipwa Pauni 2 milioni kwa mwaka ili aweze kuwa bosi mpya wa West Brom na inasemekana klabu hiyo imekubaliana naye.

             West Ham, Slaven Bilic – Pauni 3 milioni

Bilic amesaini mkataba wa miaka mitatu Juni 2015, wenye thamani ya Pauni 3 milioni kwa msimu. Chini yake klabu inapigania kucheza Ligi ya Mabingwa Ulaya.