DAWA ZA KUONGEZA NGUVU; SAKHO KUFUNGIWA MIEZI SITA

LIVERPOOL, ENGLAND

BEKI wa Liverpool, Mamadou Sakho amewekwa chini ya uchunguzi kutokana na kufeli vipimo vya dawa za kuongeza nguvu.  

Sakho anaweza kufungiwa miezi sita baada ya kugundulika akitumia dawa zilizopigwa marufuku kwa lengo la kupunguza uzito katika mchezo wa pili wa Europa League dhidi ya Manchester United Machi 17.

Sakho, 26, atafanyiwa tena vipimo mapema wiki ijayo ili kuthibitisha kama amefeli kwenye vipimo hivyo.

Pamoja na habari hiyo, Liverpool haijatoa taarifa ya kumsimamisha mchezaji huyo wa kimataifa wa Ufaransa ingawaje hatacheza katika mchezo dhidi ya New Castle United, Jumamosi.

Sakho kazini...

Ripoti zimesema, Sakho binafsi amekuwa akitumia dawa za kupunguza mafuta na aligundulika katika mchezo huo wa Europa League.
Na Liverpool imetoa taarifa iliyosema: "Jana, (Ijumaa, Aprili 22, 2016,  taarifa ya Uefa ilitukifikia  ikisema kwamba wako kwenye uchunguzi  na kuna uwezekano sheria za utumia wa dawa za kuongeza nguvu zimevunjwa na  Sakho.

...akifunga bao

"Mchezaji huyo atawajibika kwa Uefa kuhusiana na suala hilo na hatahusishwa na kifungo chochote kwa sasa.
"Hata hivyo, katika hitimisho, klabu imeamua wakati hatua za uchunguzi zikiendelea, Sakho hatapangwa katika michezo ya Liverpool na hakutakuwa na taarifa zaidi kwa muda huu."
Inafahamika kwamba majibu ya damu ya Sakho, yanatarajiwa kuwekwa hadharani Jumanne.

...akisherehekea

Mwaka 2011, beki Kolo Toure alifungiwa miezi sita kwa tukio kama hilo alipokuwa akiitumikia Manchester City- ambapo alidai kwamba alituimia kimamosa dawa za mke wake.