Guardiola
MANCHESTER,
ENGLAND
LOUIS
VAN GAAL amekunua meno yake, kisha akaachia kicheko na kumpiga kijembe kocha
mtarajiwa wa Manchester City, Pep Guardiola kwamba imekula kwake kwani timu
atakayorithi msimu ujao haitakuwamo kwenye Ligi ya Mabingwa Ulaya.
City wakiwa wamelowa.
Van
Gaal amesema baada ya kuichapa Man City 1-0 Jumapili na hivyo kubakiza pointi
moja tu kuingia kwenye nne bora, Mdachi huyo anaamini kikosi chake cha Man
United ndicho kitakachomaliza ligi kwenye nafasi hizo nne za juu na kuipiga
kikumbo Man City.
Man
City inayoshika nafasi ya nne kwenye msimamo wa ligi, inaizidi Man United kwa
pointi moja tu na Van Gaal anasisitiza nafasi sasa ni yao kuwaondoa mahasimu
wao katika nafasi hiyo na kufuzu Ligi ya Mabingwa Ulaya msimu ujao.
Rashford akifanya yake
Van
Gaal alisema timu tatu za juu kwenye msimamo bado zipo mbali kuzifikia kwa
pointi, lakini kwa kuanza kitu rahisi ni kuiondoa Man City kwenye nafasi ya nne
kuwa kuwa wapo juu kwa pointi moja tu.
Van
Gaal alisema: “Sasa la kila kitu kipo kwenye mikono yetu. Tunachopaswa ni
kushinda tu mechi zetu. Tuna mechi nyingi nyumbani kuliko ugenini na ni wazi tumekuwa hatupotezi sana tunapokuwa Old
Trafford.
Pellegrini asijue la kufanya
“Niliona
hali ilivyokuwa vyumbani baada ya mechi, kulikuwa na furaha kubwa. Nadhani hili
litachangia kuamsha molari.”
Kumekuwa
na wasiwsi kwamba huenda Guardiola akarithi kikosi cha Man City ambacho
hakitakuwamo kwenye Ligi ya Mabingwa Ulaya msimu ujao baada ya nafasi ya
kumaliza kwenye nafasi nne za juu kuwa ngumu upande wao kwa siku za karibuni.
Van Gaal akifurahia jambo
Bao
la kipindi cha kwanza la Marcus
Rashford lilitosha kuizamisha Manchester City na kumfanya kocha Manuel
Pellegrini kukwepa kuzungumza na vyombo vya habari baada ya kipigo hicho.
Post a Comment