SIR ALEX FERGUSON AMKINGIA KIFUA VAN GAAL

MANCHESTER, ENGLAND

SIR ALEX FERGUSON (pichani Juu) ameibuka na kumtetea kocha aliyeko kwenye wakati mgumu klabuni Manchester United, Louis van Gaal na kuwataka mashabiki kuwa na uvumilivu pindi klabu inapopita katika wakati mgumu.

Van Gaal

Pamoja na kuwa nyuma kwa pointi moja nje ya nne bora na kushika nafasi ya sita katika Ligi Kuu England na mchezo mmoja wa marudiano wa nusu fainali wa Kombe la FA uwanjani Wembley FA, United imetolewa katika Ligi ya Mabingwa katika hatua ya makundi.

Imetolewa katika Europa League na wapinzani wao wakubwa Liverpool na imepoteza dhidi ya Middlesbrough katika Kombe la Capital One.

Depay

Kumekuwapo na ongezeko kubwa la machafuko kwa mashabiki kushindwa kuishangilia timu hiyo na kuizomea kutokana na jinsi Van Gaal anakoipeleka timu hiyo, lakini  Ferguson, ambaye amekuwa akihudhuria kila mechi za nyumbani na ugenini, amesisitiza mashabiki wasiwe na tabia ya kuhukumu haraka.
“Wafu ni rahisi kuwa watu muhimu,” alisema.

“Tunahitaji kuwa wakweli kwa baadhi ya mambo - idadi ya majeruhi ilikuwa ni, Phil Jones amecheza mechi saba tu msimu huu, Ashley Young, (Antonio) Valencia, (Luke) Shaw, hii ni hasara kubwa.

“Haijalishi una timu gani, kama unawakosa wachezaji wenye kariba kama yao unakuwa na hasara kubwa sana kwenye timu.

Martial

“Katika nyanja nyingine ambayo siyo rahisi kusahau pia kuna wachezaji wapya watano katika kikosi cha kwanza cha United msimu huu, na wawili ni makinda (Anthony) Martial na Memphis (Depay) na uwezo wao ulikuwa mzuri tu.

“Unatakiwa kuwa na uvumilivu fulani unapokuwa shabiki wa Manchester United na baadhi yao wameonesha hivyo kwa miaka kadhaa.

Rashford

Moja kati ya mambo mazurui nje ya matatizo ya majeraha ya wachezaji kwa Van Gaal ni kuibuka kwa baadhi ya wachezaji vijana walioingia katika timu.

Moja ya ingizo bora lilikuwa ni Marcus Rashford, mzaliwa wa Manchester mwenye umri wa miakia 18, aliyefunga mabao matano katika mechi nane.

“Mnatakiwa kumpa sifa yake, amewapa nafasi wachezaji tisa makinda. Nadhani mbele atakuwa vizuri,” Ferguson alisema akimfagilia Van Gaal.