Flamin
LONDON,
ENGLAND
JAMANI
imetosha. Mnaweza kwenda.
Mastaa watano wa Arsenal
wameambiwa maneno hayo na sasa wamefunguliwa mlango wa kuondoka klabuni hapo
mwishoni mwa msimu kwa sababu klabu hiyo haiwahitaji tena.
Kwa
mujibu wa taarifa za ndani kutoka Emirates, Arsenal inatarajia kupangua kikosi
chake kwa kiasi kikubwa msimu ujao kwa kufanya matanuzi ya nguvu sokoni na
kuachana na wachezaji ambao hawaisaidii timu hiyo kwa sasa.
Gibbs
Viungo
watatu, Mikel Arteta, Mathieu Flamini na Tomas Rosicky wataachwa rasmi baada ya
mikataba yao kumalizika miezi miwili ijayo baada ya klabu kuamua kuwa
haitaendelea nao tena na haitawapa mikataba mipya.
Arteta
na Rosicky wamekosekana kwa vipindi virefu vya msimu kutokana na kuwa majeruhi
huku Arteta ambaye ni nahodha akiwa amecheza mechi 13 tu msimu huu wakati huu
akikabiliwa na matatizo ya kiazi cha mguu.
Rosicky,
kiungo wa kimataifa wa Czech mwenye kipaji kikubwa amekuwa nje kwa muda mrefu
na aliumia msuli, aliporudi tena tu katika mechi yake ya kwanza ya msimu huu
baada ya kuumia goti kwa kipindi kirefu.
Rosicky
Arteta
ambaye keshokutwa anatimiza miaka 34 anapigiwa upatu ya kujiunga na benchi la
ufundi la Arsenal linaloongozwa na Arsene Wenger kwa ajili ya kuwa kocha siku za
usoni wakati huu akifanyia kazi mazoezi yake ya ukocha na amekuwa akifundisha
timu ya watoto angali akiwa majeruhi.
Kwa
upande wa Flamini ambaye alijiunga na Arsenal Julai 2004 akitokea Marseille ya
Ufaransa kabla ya kuondoka mwaka 2008 kwenda AC Milan na kurudi tena mwaka 2013
anajiandaa kuondoka jumla na nafasi yake tayari imeshachukuliwa na kiungo wa
kimataifa wa Misri, Mohamed Elneny aliyenunuliwa kwa dau la Pauni 7 milioni
kutoka Basel ya Uswisi Januari mwaka huu na tayari ameshaanza kushika kasi.
Chamberlain
Arsenal
pia ipo tayari kusikiliza ofa kwa beki wake wa kulia, Mathieu Debuchy ambaye
ilimnunua kutoka Newcastle Julai 2014 lakini akaathirika na majeraha ya muda
mrefu huku nafasi yake ikichukuliwa na kinda mahiri wa Kihispaniola, Hector
Bellerin ambaye amejimilikisha nafasi hiyo.
Kwa
sasa Debuchy ambaye ni staa wa kimataifa wa Ufaransa yupo kwa mkopo katika
klabu ya Bordeaux ya kwao Ufaransa tangu Januari mwaka huu na atauzwa jumla
katika dirisha la majira ya joto.
Arteta
Wenger
pia anataka kuondokana na beki wa kushoto wa Kiingereza, Kieran Gibbs ambaye
msimu huu amepoteza jumla nafasi yake kwa beki wa kushoto wa Kihispaniola,
Nacho Monreal huku ikidaiwa kuwa anamsaka beki wa kushoto wa klabu ya Lorient
ya Ufaransa, Raphael Guerreiro kuchukua nafasi hiyo.
Arsenal
imepanga kuwapa mikataba baadhi ya mastaa wake kama Santi Cazorla, Alexis
Sanchez, Mesut Ozil, Jack Wilshere na Alex Oxlade-Chamberlain ambaye hata hivyo,
kuna utata kuhusu hali yake ya baadaye klabuni hapo.
Wenger
Inadaiwa
kuwa Wenger hajaridhishwa na kasi ya maendeleo ya staa huyo wa England
aliyenunuliwa kutoka Southampton miaka mitano iliyopita na bado kuna wasiwasi
kwamba huenda ikasikiliza ofa kutoka katika timu ambazo zitamtaka.
Ripoti
zinadai kuwa, Mfaransa huyo amepewa maagizo ya kugombea wachezaji bora barani
Ulaya kama anataka apewe mkataba mwingine wa kuifundisha timu hiyo ambapo
mkataba wake wa sasa unatarajiwa umalizika mwishoni mwa msimu ujao.
Post a Comment