VAN GAAL KUWEKWA MTU KATI, MOURINHO AKUBALI KUMRITHI

                                                                    Van Gaal na Mourinho

 Mourinho na Van Gaal

 Van Gaal na Mlourinho

MANCHESTER, ENGLAND

LOUIS VAN GAAL atawekwa kiti moto na waandishi wa habari ikiwa ni mara ya kwanza tangu timu yake ilipofungwa na Southampton, huku ikidaiwa kuwa kocha Jose Mourinho amekubali kuchukua nafasi kesho.

Kesho mchana, Van Gaal atajibu maswali kutoka kwa waandishi wa habari na kufafanua hatma yake ya Manchester United.

Bosi huyo wa United atakutana na uso kwa uso na waandishi wa habari katika mkutano huo kabla  mchezo wa Kombe la FA  dhidi ya Derby utakaopigwa Ijumaa.

Mara ya mwisho Van Gaal kulazimishwa kujibu maswali  magumu ya waandishi wa habari ilikuwa  kabla ya Sikukuu ya Krismasi ambapo kulikuwa na wasiwaji juu ya hatma yake Old Trafford.

Hata hivyo, katika mkutano huo alijibu maswali matatu tu kabla ya kuondoka mkutanoni na kumfanya kutumia dakika nne na sekunde 58.

Kocha huyo bado yuko katika wakati mgumu kufuatia timu yake kufungwa  bao 1-0 dhidi ya Southampton.

Kuna taarifa Mholanzi huyo ana uhakika wa kuendelea kukitumikia kibarua chake hadi mwishoni mwa msimu huu.

Gazeti la Italia, Tutto Mercato limeripoti wiki hii kwamba kocha aliyetimuwa Chelsea, Jose Mourinho amekubali kumrithi Van Gaal Old Trafford.

Hiyo ilifuatia taarifa zilizotapakaa kutoka ndani ya Man United  kwamba, Van Gaal alitaka kuachia ngazi. Taarifa ambazo zilikanushwa na United.

Man United inadaiwa imehairisha mpango wake wa kumtimua kocha huyo japokuwa mambo yake bado magumu Old Trafford.

Inafahamika kwamba baada ya mapito yote haya, familia ya Glazers inayomiliki klabu hiyo, itakuja na uamuzi mmoja wa kumchagua Mourinho na kumpa dili la muda mrefu.