Vaan Gaal
...akiwa safarini
.... je atarudi?
MANCHESTER, ENGLAND
TETEMEKO limeikumba
Manchester United. Baada ya kichapo cha bao 1-0 kutoka kwa Southampton kwenye
uwanja wao wa Old Trafford, hali ilikuwa tofauti juzi Jumapili kwenye uwanja wa
mazoezi wa timu hiyo.
Man United iliamua
kufuta mazoezi hao ya juzi Jumapili, huku kukiwa na hali ya hatari kuhusu kocha
wa kikosi hicho, Louis van Gaal juu ya hatima yake katika timu hiyo.
Kulikuwa na ukimya
mkubwa katika uwanja wa mazoezi wa timu hiyo huko Carrington, ambapo wachezaji
wote na makocha waliambiwa wasije tofauti na ilivyokuwa kawaida yao ambapo
walikuwa wakienda kufanya mazoezi baada ya kutoka kwenye shughuli za ibada.
Hii ni mara ya
kwanza tangu timu hiyo iwe chini ya Van Gaal kushindwa kufanya mazoezi siku
moja baada ya mechi, ambapo walikuwa na kawaida ya kukutana na kufanya mazoezi
kwa dakika 45 hadi 90.
...baada ya kipigo
Van Gaal, ambaye
amekuwa na misimamo amekuwa akiwataka wachezaji wake kuja mazoezini siku
inayofuatia baada ya mechi hata kama watakuwa wamecheza mechi ya ugenini kwenye
Ligi ya Mabingwa Ulaya, hivyo tukio la juzi lilitia shaka na mshtuko mkubwa.
Kocha huyo
ameripotiwa kurudi kwao Uholanzi kushiriki sherehe ya siku ya kuzaliwa na binti
yake, huku kukiwa na mashaka makubwa juu ya hatima ya kibarua chake baada ya
kichapo hicho kutoka kwa Southampton.
Kipigo hicho
kimeifanya Man United kuwa nyuma ya Tottenham Hotspur kwa tofauti ya pointi
tano katika mbio za kuwamo ndani ya nne bora ili kukata tiketi ya kucheza Ligi
ya Mabingwa Ulaya msimu ujao.
Uhakika sasa
umekuwa mdogo kama Van Gaal ataendelea kubaki hadi mwisho wa mkataba wake ambao
umebakiza miezi 17 kufika tamati.
Man United ya sasa
haiwezi hata kutengeneza nafasi za kufunga, huku shuti lao pekee lililolenga
goli walilopiga kwenye mchezo dhidi Southampton ni lile alilopiga beki Daley
Blind kutoka umbali wa mita 30.
Akiwa na benchi lake la ufundi
Kutokana na hali
hiyo ya kocha Van Gaal kuifanya Man United kuwa timu ya kawaida sana, makocha
wengi wamehusishwa na timu hiyo, akiwamo Jose Mourinho na Pep Guardiola.
Kuhusu hali ya
kikosi, kocha Van Gaal huenda akachukua uamuzi wa kung’atuka
baada ya kukiri kwamba amewaangusha sana mashabiki wa timu hiyo.
Kocha huyo Mdachi alikumbana na kelele za
kuzomewa uwanjani Old Trafford baada ya kipigo. Van Gaal anataka kuachia ngazi
mwenyewe kabla ya kusubiri kutimuliwa.
LVG alisema: “Nimehuzunika sana kwa sababu
nimeshindwa kufikia matarajio ya mashabiki. Walikuwa na matarajio makubwa
kutoka kwangu, lakini nimeshindwa kutatimiza. Nimehuzunika sana.”
Mjumbe wa bodi ya klabu hiyo, David Gill amezidisha
presha kwa kocha huyo baada ya kukosa kushindwa kwake kuleta mafanikio wakati
alipewa pesa ya kutosha kufanya usajili.
Gill alisema: “Hakuna ubishi kwamba amefeli hasa
baada ya uwekezaji mkubwa uliofanywa kwenye dirisha la usajili la mwaka jana.”
Van Gaal, 64, ametumia zaidi ya Pauni 250 milioni
kwenye kufanya usajili tangu alipotua klabuni hapo miezi 18 iliyopita.
Post a Comment