MAN UNITED YAKUTANA NA GUARDIOLA KWA SIRI

Pep Guardiola

MANCHESTER, ENGLAND

MANCHESTER United imefanya umafia wa kumnasa kocha Pep Guardiola kutoka kwa mahasimu wao Manchester City baada ya kukutana naye kwa siri nchini Ufaransa.

Maofisa wa Man United wamekutana ana kwa ana na Guardiola kwa ajili ya mazungumzo mjini Paris, Ufaransa wiki iliyopita, kwa mujibu wa Gazeti la L’Equipe.

Kikao hicho cha siri kilifanyika kwenye hoteli ya nyota tano ya Le Bristol.

Usiku wa juzi Alhamisi, maofisa wa Man United walikana kukutana na kocha huyo, lakini ripoti hiyo imeishtua Man City, ambao inadhani Mhispaniola huyo atakuwa kocha wao kuanzia msimu ujao.

Guardiola, 45, ameshatangaza hadharani kwamba kibarua chake kijacho kitakuwa  England kwa maana kwamba ataachana na Bayern Munich mwishoni mwa msimu huu.

Lakini, kocha huyo hakuwa tayari kusema kwamba atatua Man City japo ya kuwapo na ripoti kwamba amekubaliana kwa mdomo tu.

Man United inaamini staili ya Guardiola itawafaa kabisa kwenye kikosi chao na kwamba atarejesha heshima ya Old Trafford.