HATIMAYE ADEBAYOR AREJEA TENA ENGLAND

Mwenyekiti wa Crystal Palace, Steve Parish, Adebayor na Perdew

 Adebayor akiwa na jezi ya Palace

 Adebayor akiwa Spurs.

LONDON, ENGLAND

EMMANUEL ADEBAYOR amerejea Ligi Kuu ya England baada ya kukamilisha usajili wa kushtukiza akijiunga na Crystal Palace.

Crystal Palece imethibitisha kumnyakua straika huyo wa zamani wa Tottenham kwa mkataba utakaodumu hadi mwishoni mwa msimu.

Hata hivyo, taarifa zinasema dili hilo linaweza kuongezwa muda hadi mwishoni mwa msimu ujao; kimsingi makubaliano ni ya miezi 18 kukiwa na kipengele cha kuweza kuvunjwa kwa mkataba mwishoni mwa msimu.

Palace itamlipa Adebayor kiasi cha Pauni 70,000 kwa wiki; huku  Spurs akifidia  kiasi kilichobaki cha Pauni 30,000 kwa wiki kutokana na mkataba alioingia Hart Lane ambao unakwisha Juni.

Akiwa Manchester City

Adebayor aliondoka Spurs kwa kuridhiana mwezi Septemba; lakini klabu hiyo ya Kaskazini mwa London bado inawajibika kumlipa mshahara wa Pauni100,000 kwa wiki.  Straika huyo mwenye umri wa miaka 31 atavaa jezi namba 25 akiwa Selhurst Park.

Kusajiliwa kwa Adebayor kumekuja wakati mwafaka kwa bosi wa klabu hiyo, Alan Perdew kufuatia kufungiwa mechi tatu na FA kwa straika wake namba moja, Connor Wickham kwa kufanya fujo na kumuumiza jichoni beki wa Spurs Jan Vertonghen Jumamosi.  

Akiwa Arsenal

Mwenyekiti wa Palace, Steve Parish alitumia Mtandao wa Instagram kumkaribisha Adebayor akiwa ametuma picha aliyopiga na straika huyo pamoja na kocha Pardew.

Nyota huyo mkali wa Palace anatarajiwa kuisadia timu hiyo ambayo imeshindwa kupata ushindi katika michezo sita.

Adebayor amefunga mabao 18  katika micheezo 59 wakati akiitumikia Spurs lakini aliachwa katika usajili wa kikosi cha wachezaji 25 cha kocha Mauricio Pochettinoc katika Ligi Kuu. 

Staa huyo wa kimataifa wa Togo hakuweza kujiunga na klabu nyingine hadi dirisha la Januari kwa kuwa alikuwa akifahamika  kuwa bado ni mchezaji halali wa Tottenham. 

Ndani ya Spurs

Pia, alishindwa kukubaliana na uongozi wa Spurs baada ya kukataa kuondoka klabuni kwa kushindwa kumlipa Pauni 5 milioni iliyobaki katika mkataba wake. 

Kabla ya kujiunga na Palace, Adebayor alidaiwa kutaka kujiunga na kocha wake wa zamani Tim Sherwood wakati akiwa Villa lakini pande hizo mbili zilishindwa kuafikiana. 

Kwa mara ya kwanza, Adebayor alisajiliwa katika Ligi Kuu England na Arsenal akitokea Metz ya Ufaransa kabla ya kwenda  Manchester City kwa Pauni 25 milioni. 

Bao maarufu la straika huyo alilifunga dhidi ya Arsenal uwanjani Etihad na kukimbia umbali mrefu kwenda kushangilia kwa mashabiki wa timu pinzani waliokuwa na hasira dhidi yake kwa kumzoemea na kumtolea maneno yenye hasira.

Baadaye alipelekwa kwa mkopo kwenda Real Madrid mwaka 2011, ambako alifunga mabao matano katika michezo 14.

Alitolewa tena kwa mkopo kwenda Tottenham, ambako alimvutia kocha Andre Villas-Boas aliyeamua kumpa usajili wa kudumu.

Akiwa Madrid 

Lakini kufukuzwa kwa Villas-Boas, Spurs kulimfanya straika huyo kulazimishwa kwenda kufanya mazoezi na kikosi cha timu hiyo  cha chini ya miaka 21 kabla ya Tim Sherwood kumrudisha kwenye timu ya wakubwa.

Hata hivyo, ujio wa kocha Pochettino, White Hart Lane siku za Adebayor zilikuwa zikihesabika  kabla ya kuachwa Septemba 2015.