NEYMAR AANZA KUFANYA YAKE PSG

                     

                                       PARIS, UFARANSA

NEYMAR ameanza kuweka alama zake klabuni Paris Saint-Germain (PSG) baada ya kufunga bao moja na kuasisti lingine katika ushindi wa mchezo wa Ligue 1 dhidi ya Guingamp.

Straika huyo wa kimataifa wa Brazil, huo ulikuwa mchezo wake wa kwanza akiitumikia PSG tangu alijiunga akitokea Barcelona kwa uhamisho dau la rekodi ya dunia Pauni 198 milioni.

Neymar amefungua akaunti yake ya mabao katika dakika 82 akipokea pasi kutoka kwa Edinson Cavani.

Mapema  katika dakika ya 62, Neymar alitengeneza pasi ambayo Cavani aliikwamisha wavuni. 

Mchezaji huyo ghali zaidi duniani pia alihusika katika kutengeneza bao la kwanza katika dakika 52 la kujifunga la beki wa zamani wa PSG, Jordan Ikoko akiwa anamtengenezea nafasi Cavani.

Neymar alianzia upande wa kushoto akiwa na mastaa wengine Cavani na Angel di Maria ambao walikuwa moto dhidi ya timu pinzani.