MESUT OZIL AMTUMIA MESEJI NZITO SANCHEZ

                     LONDON, ENGLAND

MESUT OZIL amemtumia meseji Alexis Sanchez akimtaka abaki kwenye timu hiyo msimu huu.

Ozil amemwambia Sanchez kwamba kama ataamua kuondoka basi jambo hilo litatibua mipango ya Arsenal katika kubeba ubingwa wa Ligi Kuu England msimu ujao.

Staa huyo wa Chile amebakiza mwaka mmoja katika mkataba wake wa sasa klabuni Arsenal huku kukiwa na taarifa kwamba Manchester City wanafukuzia saini yake.

Wiki iliyopita, kulikuwa na ripoti zikidai Sanchez amemwambia Kocha Arsene Wenger dhamira yake ya kutaka kwenda kuungana na Pep Guardiola, kabla ya Mfaransa huyo kukanusha akisema hajawahi kuambiwa kitu kama hicho, wala Sanchez kusema kama anataka kuondoka.

Wenger hafikirii kabisa kumpiga bei fowadi wake huyo kwenye dirisha hili la usajili na wakati Ozil akionekana kwamba atabaki hapo, anadaiwa kumshawishi mwenzake wabaki wote ili kuipa taji la Ligi Kuu England Arsenal msimu ujao.

Ozil akiwa  na Sanchez

“Nadhani Alexis atabaki, lakini sijui nini mipango yake,” alisema Ozil.

...lakini kama ataondoka sawa tu.

“Mimi nampa thamani kubwa kama mchezaji hasa ukizingatia amekuwa akiingia vyema kwenye mfumo wa kiuchezaji wa Arsenal. Kwa upande wangu nataka abaki, lakini hilo lipo juu yake mwenyewe.”