TURIN, ITALIA
PAUL POGBA amewaacha
hoi marafiki zake wa zamani wa klabuni Juventus wakiwa wamechanganyikiwa kwa
kuvunja rekodi ya uhamisho baada ya kiungo huyo kutua Manchester United.
Pogba akiwa Man United
Uhamisho wa kiungo
huyo Mfaransa kwenda Old Trafford ulikuwa ni habari kubwa katika dirisha la
majira ya joto. Ulifikia mwisho baada ya United kukubali kutoa ofa ya Pauni 100
milioni kwa Juventus na kumwondoa kiungo huyo jijini Turin.
Baadhi ya wachezaji
wa Juve wakiwamo Paulo Dybala na Gianluigi Buffon – wamesema Pogba aliwaambia
kuwa atabaki klabuni hapo.
Kwa mujibu wa gazeti
moja la Italia, klabu hiyo inahisi kama imesalitiwa na Pogba.
Dybala, anayeamiaminika
kuwa ni rafiki wa karibu wa Pogba, alikuwa na huzuni wakati akizungumza na Gazeti
la Malta wiki hii.
Dyabala
Muargentina Dyabala aliviambia
vyombo vya habari na mashabiki kwamba: “Nina uhakika nitamuona Paul (Pogba)
pindi tutakapostaafu.”
Gazeti hilo la Italia
pia liliweka wazi kwamba Juventus haikuwa na mpango wa kuumuza kiungo katika
majira haya ya joto.
Rais wa Juventus, Andrea
Agnelli, na Mkurungeza Mkuu, Giuseppe Marotta walikuwa na nia ya kuendeleaa
kuwa na kiungo huyo mwenye umri wa miaka
23- katika sehemu ya kikosi kwa ajili ya kampeni zinazokuja hasa Juventus akijipanga
kuvunja rekodi ya kutwaa mataji mfululizo ya Serie A.
Buffon
Mabosi hao, Agnelli na
Marotta walikuwa wanajipanga kumpa mkataba mpya Pogba ambao ungekuwa na
ongezeko la ada ya usajili.
Hata hivyo, dili la Pogba
na United linaonekana ni nono kiasi kwa tofauti kubwa kuliko ofa ambayo Juventus
ingetoa kumbakisha Pogba.
Pogba akimwaga wino, Man United
Juventus ilikuwa
imepanga kumuuza kiungo huyo mwishoni wa msimu wa 2016-17, ikiamini kwamba
ingepata ada kubwa zaidi kuliko kiasi ilichopata na kuvunja rekodi ya uhamisho
kutoka United.
Post a Comment