KUMBE! ZLATAN IBRAHIMOVIC ANA TABIA HIZI!

MANCHESTER, ENGLAND

JOSE MOURINHO ameonywa na kutakiwa kuwa makini na straika wake, Zlatan Ibrahimovic kwani anaweza kusababisha matatizo makubwa ndani ya Old Trafford.

Inadaiwa kwamba Ibrahimovic ni mtata kama hatapangwa kuwa straika namba moja ndani ya kikosi cha Manchester United.

Hayo yamesemwa na mchezaji wa zamani wa kimataifa wa Sweden ambaye pia aliwahi kucheza timu moja na straika huyo, Pontus Kamark.

Kamark

Pamoja na kutoa taadhari hiyo, Kamark ambaye pia aliwahi kuichezea Leicester katika Ligi Kuu England miaka ya 1990s, anaamini Ibrahimovic ni mchezaji mzuri kwa United.
Kamark amekwenda mbali zaidi na kudai mchezaji huyo wa zamani wa PSG anaweza kuwa na manufaa kama ilivyokuwa kwa staa wa zamani wa United, Eric Cantona.
Lakini Kamark ana hofu kwamba Ibrahimovic anaweza kuzalisha matatizo kama ilivyokuwa Barcelona kama hatawekwa mstari wa mbele katika safu ya ushambuliaji.
Kamark, ambaye kwa sasa anafanya kazi ya uchambuzi wa soka nyumbani kwao, alisema: "Amejiingiza katika kila hoja.

                              Ibrahimovic akiinua ngao
Alimwita hata Pep Guardiola mwanafalsafa kwa sababu Messi alitishwa na ubora wake na Zlatan hakutaka kuwa  No.2.
"Kama watu wataingia kwenye anga zake anaweza kuwapiga. Anaweza kukuangusha mazoezini. Anaweza kufanya chochote ili akae kwenye kiti cha enzi.  Anaweza kufanya kwa njia nzuri au mbaya – hususan kama mtu hamkubali  kuwa yeye ni  Namba 1.
"Siku zote amekuwa akitafuta sababu, kwa kuwa hataki kuwa namba No.2 - Zlatan anataka kuwa No. 1."

Ibrahimovic na Marcus Rashford 

Ibrhimovic, ambaye aliipa taji United kwa kufunga bao katika ushindi wa mabao 2-1 dhidi ya Leicester katika mchezo wa Ngao ya Jamii, ameshasema anaamini nahodha wa Mashetani Wekundu, Wayne Rooney ni patna wake sahihi.
Na Kamark alisema anaamini wawili hao wanaweza kufanya vizuri- lakini akaonya matatizo yanayoweza kutokea kama hawatakuwa na mshikamano.

Rooney

Kamark aliongeza: "Natumaini watadumu, yeye na Rooney- na itakuwa hivyo, nadhani watakuwa na kombenesheni bora.
"Kama hawataenda sawa, (Ibra) ataanza kuunda matatizo. "Unaweza  kuwa na pande zote mbili za Zlatan. Huwa anachukua nafasi kubwa mno, anaweza kusababisha matatizo mengi lakini anaweza pia kuyafanya mambo yakawa magumu bila ya uwepo wake."