ANTONIO CONTE APIGIWA KURA YA KUFUKUZWA MAPEMA

LONDON, ENGLAND

ANTONIO CONTE (pichani juu) anaweza kuwa kocha wa kwanza kutimuliwa katika Ligi Kuu England kati ya makocha sita wanaoanza vita ya ligi hiyo Jumamosi.

Ligi Kuu England itakuwa na vita kubwa msimu huu kutokana na kuwahusisha makocha bora  duniani kuanzia Jose Mourinho, Arsene Wenger, Pep Guardiola, Jurgen Klopp, Conte na Claudio Ranieri.

Guardiola

Kocha Guardiola amewasili kuinoa Manchester City wakati Jose Mourinho ameanza kazi Manchester United.
Presha ipo pia kwa Arsene Wenger kufika mwisho wa kileleni kutokana na changamoto iliyopo, wakati Klopp wa Liverpool na Maurcio Pochettino wa Tottenham wanatarajiwa kuziimarisha timu zao.

Mourinho

Lakini kocha wa Chelsea, Conte anafikiriwa kuwa atashindwa kuwa na mafanikio kutokana na mwajiri wake.
Kocha Conte ametakiwa na Bilionea anayemiliki klabu hiyo, Roman Abramovich akipewa kibarua cha kuirudisha timu hiyo kwenye ushindi baada ya kupotea katika ushindani msimu uliopita.
Mpaka sasa, Conte amesajili wachezaji wawili lakini kujiamini kwake na mbinu zake zitasababisha athari Stamford Bridge.

Wenger

Lakini inaaminika atakuwa wa kwanza kupoteza kibarua chake kati ya makocha sita wakubwa waliopo Ligi Kuu msimu huu.
Conte amepewa wastani wa 7/2 akifuatiwa na, Klopp, Wenger, Mourinho, Guardiola na Pochettino kuondoka katika klabu zao.
Waliopiga kura wanahofia Conte atakuwa akilengwa na mikono ya Abramovich labda kama  Chelsea itaanza msimu kwa kasi.

Bosi wa Liverpool Klopp na kocha mpya wa Old Trafford, Mourinho watafuata wakiwa na wastani  4/1 – na kocha wa Arsenal Wenger, Pochettino na  Guardiola wakiwa na wastani wa 5/1.