DIEGO COSTA: CHELSEA NIACHENI NISEPE

LONDON, ENGLAND

DIEGO COSTA (pichani) amezidi kuing'ang'aniza Chelsea impige bei Atletico Madrid, lakini miamba hiyo ya Stamford Bridge imemnyamazia na kuamua kuwapiga chini Radamel Falcao na Alexandre Pato.

Chelsea imewapiga chini mafowadi wake Falcao na Pato ambao walikuwa klabuni hapo kwa mkopo huku wakiwa na shida ya kumtuliza Costa, ambaye ameonekana kupania kutaka kurejea katika klabu yake ya zamani ya Atletico Madrid.

Chelsea inakabiliwa na changamoto nyingi kwa fowadi wanayemfukuzia Alvaro Morata baada ya Real Madrid kuwaambia kwamba dili hilo linaweza kukamilika tena  wakawaongezea na pesa kiasi cha Pauni 40 milioni ili wao wamchukue Eden Hazard.

Wachezaji wengine waliopigwa chini ya Chelsea itakayokuwa chini ya Kocha Antonio Conte msimu ujao ni kipa Marco Amelia. Mastaa wengine wanaowindwa na Conte ni John Stones, Stefano Sturano, Antonio Candreva na Romelu Lukaku.