MARADONA: KOULIBALY ANABAGULIWA KWA SABABU NI MWEUSI

MADRID, HIPSANIA

DIEGO MARADONA amefunguka mambo mazito na kudai ubaguzi katika soka unamkandamiza beki wa kati wa Napoli, Msenegali, Kalidou Koulibaly.

Pia Maradona anamanini klabu yake hiyo ya zamani (Napoli) haiwezi kufanya vizuri katika Ligi ya Serie A kwa sababa mabingwa wapya, Juventus wanabebwa  na waamuzi. 

Maneno yenye utata ya Maradona hayakumuacha kocha wa zamani wa Juve anayehamia Chelsea, Antonio Conte, ambaye mchezaji huyo mkongwe anaamini amefanya uamuzi wenye mashaka wa kwenda England.
Gwiji huyo alifunguka hayo alipokuwa akifanya mahojiano katika runinga moja ya Hispania.
Maradona alikuwa na hamu ya kuweka wazi kile anachoamini ni mtazamo wa kumdhulumu beki huyo mwenye umri wa miaka 24.
 “Kama Koulibaly angekuwa Mzungu angekuwa anaichezea Real Madrid au Barcelona. Ubaguzi bado upo katika soka. Wachezaji weupe wanapewa kipaumbele kuliko weusi- na hii haikubaliki.”
Koulibaly iliripotiwa alikuwa akitazamwa na Chelsea akiwa na uwezekano wa kusajiliwa na Conte. Pia, ripoti kama hiyo inasema Manchester United na Bayern Munich zimeonesha kumtamani.

Koulibaly. 

Maradona pia aliigeukia Juventus, ambapo klabu hiyo ya Turin inakimbilia kutwaa taji la ligi: “Juventus ina wachezaji wazoefu, lakini pia ina waamuzi wa Italia! Hakuna kitu kipya, wakati kuna wasiwasi kwamba wachezaji wa Juve kila wakati wako sahihi.”

Maradona ambaye ameshinda taji la Serie A akiwa na Napoli ameomba nafasi ya kuiongoza klabu hiyo na ili kuifanya kusikika zaidi pamoja na kwamba kuna upendeleo kwa Juve.
 “ Rais wa Napoli, De Laurentiis anapaswa kufanya mambo ili aheshimike, anatakiwa kufanya kile ambacho wakurugenzi wa Napoli walikifanya siku za nyuma.”
Mashambulizi yake juu ya Juve pia yalimhusisha kocha wa zamani wa klabu hiyo Conte.
 Maradona hajavutiwa na uamuzi wa Muitaliano huyo kuiacha timu ya taifa na na kuhamia  Ligi Kuu:  “Kocha wa timu ya taifa ya Italia anahamia Chelsea! Hii  naiona ni aibu.”