PARIS,
UFARANSA
ZLATAN
IBRAHIMOVIC anataka sana kwenda kumalizia soka lake England lakini unajua
anataka kiasi gani?
Habari
za kushtua ni kwamba straika huyo wa PSG ya Ufaransa anataka Pauni 600,000 kwa wiki kitu ambacho kimezishtua
klabu zinazomfukuzia.
Zlatan
ana umri wa miaka 34 kwa sasa na mkataba wake na PSG unatarajiwa kumalizika
mwishoni mwa msimu huku siku zake za kucheza soka katika kiwango cha juu
zikikaribia kufika tamati, lakini mwenyewe anaamini ana thamani kubwa zaidi
hasa atakapokuwa mchezaji huru mwishoni mwa msimu.
...Zlatan
Mmoja
kati ya watu wa ndani katika klabu moja ya England inayotaka kumnunua Zlatan
ilidai kwamba ni kweli mshambuliaji huyo anataka mshahara huo unaouweza kuwa
mara mbili zaidi ya mchezaji anayelipwa zaidi England.
“Tungependa
kumchukua lakini hizo pesa alizotaja ni kama kichaa. Tukimpata atakuwa na faida
kubwa sana kwetu, lakini ni kweli ana thamani ya hizo pesa?” Alihoji mtu mmoja
wa ndani kutoka katika klabu ambazo zinamwania Zlatan.
Inadaiwa kuwa staa huyo wa zamani wa Ajax, Inter
Milan, Juventus, AC Milan, Barcelona ana ofa ya kusaini mkataba na timu za
China ambapo moja imefika mpaka dau la Pauni 1 milioni kwa wiki kwa ajili ya
kujitangaza zaidi.
Hata
hivyo, Zlatan amegomea dili la kwenda China na badala yake ameelekeza macho
yake kucheza katika Ligi Kuu England huku akiwaambia wawakilishi wake kwamba
pamoja na kucheza England lakini timu yoyote ambayo inamtaka italazimika
kumlipa mshahara mara mbili ya ule anaoulipwa Ufaransa.
Zlatan
Inasemekana
kuwa Zlatan anakerwa na makato makubwa ya kodi ya Uingereza na kama kuna timu
itajitoa mhanga kumlipa mshahara anaoutaka huo utakuwa mshahara mkubwa zaidi
kuwahi kulipwa kwa nyota yeyote ndani ya ardhi ya Uingereza.
Mpaka
sasa mchezaji anayelipwa mshahara mkubwa zaidi katika Ligi Kuu England ni
nahodha wa Manchester United na timu ya taifa ya England, Wayne Rooney, ambaye
anachukua Pauni 260,000 kwa wiki moja.
Wakala
wa mchezaji huyo, Mano Raiola alikiri kwamba timu zote kubwa England isipokuwa
Manchester City zinamtaka staa huyo na zimekuwa zikiulizia uwezekano wa kumtwaa
mwishoni mwa msimu huu akimaliza mkataba wake PSG.
“Ukiiondoa
Manchester City, ambapo kuna Pep Guardiola, klabu nyingine zote kubwa zimegonga
hodi kuitaka saini yake,” alisema Raiola ambaye pia anawasimamia mastaa wengine
wakubwa kama Paul Pogba wa Juventus na Mario Balotelli wa Liverpool.
...akiwa mazoezini.
Zlatan ametwaa ubingwa wa ligi na klabu zote alizochezea barani Ulaya, Ajax, Barcelona, Inter Milan, AC Milan na hivi karibuni ametwaa ubingwa na PSG ya Ufaransa. Zlatan pia ndiye mfungaji bora wa muda wote katika kikosi cha timu ya taifa ya Sweden akiwa na mabao 62.
Kama
vile haitoshi, Zlatan amewahi kuwa mchezaji bora wa mwaka wa Sweden mara 10
huku mara tisa kati ya hizo akitwaa mfululizo kuanzia mwaka 2007 hadi 2015.
Post a Comment