RONALDO AKOSA PENALTI YA TATU

LEIRIA, URENO

CRISTIANO RONALDO amekosa penalti wakati Ureno ikipoteza mchezo wa kimataifa wa kirafiki kwa bao 1-0 dhidi ya Bulgaria katika uwanja wa nyumbani mjini Leiria Jumamosi.

Ronaldo alikosa nafasi ya kusawazisha bao hilo katika kipindi cha pili  ikiwa ni penalti yake ya tatu kukosa katoka umbali wa yadi 12  kwa klabu na nchi yake – huku bao la Bulgaria likipachikwa na Marcelinho.

Bulgaria imeshindwa kufuzu kwa Euro 2016, inapaswa kumshukurukipa wake, Vladislav Stoyanov kutokana na ushindi huo.  

Stoyanov akidaka penalti ya Ronaldo.

Stoyanov aliokoa mabao ya wazi kutokana na mashambulizi ya Ureno – mara mbili kutoka kwa Ronaldo na Nani. 

Marcelinho aliipatia Bulgaria bao hilo pekee katika dakika ya 19. Ronaldo staa wa zamani wa Manchester United sasa amekosa penalti tatu kati ya nne alizopiga hivi karibuni.

Ronaldo ambaye amekuwa akikimbilia kupiga penalti kila zinapopatikana ama kwenye timu yake ya taifa au klabu, katika kipindi cha miezi mitatu ya hivi karibu amepiga penalti nne na kufunga moja tu.

Ronaldo akimtoka beki.

Mmoja kati ya makipa waliodaka penalti za Mreno hiyo ni Mcamerooni, Idriss Carlos Kameni kwenye mechi kati ya Malaga na Real Madrid iliyofanyika Februari 21 uwanjani La Rosaleda.

Marcelinho akishangilia bao lake

 Penalti pekee aliyofunga Ronaldo ni ile kwenye mechi dhidi ya Levante iliyofanyika mwanzoni mwa mwezi huu.

Mikwaju mingine ya penalti aliyokosa ni dhidi ya Sevilla uwanjani Bernabeu na hii ya juzi dhidi ya Bulgaria kwenye mechi ya kirafiki ya kimataifa ambapo kipa Stoyanov alipangua mkwaju huo.