RONALDINHO BADO HAJAKATA TAMAA

BRASILIA, BRAZILI

RONALDINHO bado hajakata tamaa pamoja na  kushindwa kwenda na kasi yake ya zamani, nyota huyo amepanga kwenda kumalizia maisha yake ya soka kucheza soka katika Ligi Kuu ya Marekani au China.
Supastaa huyo mwenye umri wa miaka 36 aliachwa na klabu ya Brazili ya Fluminense, Septemba mwaka jana na amekuwa akisaka klabu nyingine ya kuchezea tangu kipindi hicho.
Na wakala wake, Roberto Assis, ambaye pia ni kaka yake, amethibitisha kwamba Mbrazili huyo atakwwenda kucheza Marekani au China.

Ronaldinho

 Assis alisema: " Sehemu mwafaka kwake kutua ni katika Ligi ya Marekani ‘Major League’ (MLS) au Ligi Kuu ya China."

Pamoja na kutokuwa na timu kwa  nusu mwaka, nyota huyo wa zamani wa Barcelona bado anataka kulipwa mshahara mnono.

Januari, Newcastle United ilishindwa kumchukua Ronaldinho kutokana na bei kubwa baada ya wakala wake kusisitiza kuwa ana thamani ya Pauni 6 milioni kwa mwaka.
Lakini MLS na Ligi Kuu ya China zote huwa zinatoa mishahara minono kwa nyota ambao wana umri mkubwa.

Nyota kama Kaka, Andrea Pirlo, David Villa na Steven Gerrard wote wanacheza Marekani baada ya kutengeneza pesa nyingi wakitokea Ulaya.

Ronaldinho

Kama ilivyo kwa Ligi Kuu ya China ambayo hivi karibuni imewachukua Jackson Martinez, Ezequiel Lavezzi na Ramires.

Ronaldinho alishinda tuzo ya Ballon d'Or, Ligi ya Mabingwa  na Kombe la Dunia enzi zake akicheza soka la ushindani katika soka la Ulaya, ambapo alizitumikia PSG, Barcelona na  AC Milan.
Kitendo cha kuweka wazi matamanio yake, kutamfanya mchawi huyo wa Samba kuwindwa timu za Ligi za MLS na ile ya China  ambazo zinataka kutengeneza zaidi wasifu wao.