UNAMTAKA MOURINHO? ANGALIA POCHI LAKO KWANZA

LONDON, ENGLAND

JOSE Mourinho hana kazi. Yuko nje ya kibarua lakini Mreno huyo ametumia pesa nyingi kuliko meneja mwingine yeyote ndani ya miaka 10.

Usajili wote alioufanya Mourinho (52) unafikia kiasi cha Pauni 619 milioni na anafuatiwa na  bosi wa Manchester City, Manuel Pellegrini  ambaye ametumia  Pauni 597 milioni na Carlo Ancelotti ,Pauni 466 milioni.

Kocha Pellegrini ametumia  Pauni 80 milioni kumnunua Cristiano Ronaldo wakati akiwa na Real Madrid mwaka 2009 na usajili wake mwingine ni ule aliowanunua Karim Benzema kwa Pauni 30 milioni na Xabi Alonso kwa Pauni 30 milioni.

Kocha wa Manchester United, Louis van Gaal ameshika nafasi ya sita katika  kumi bora  baada ya kutumia Pauni 337 milioni.

Mourinho ameziongoza Real Madrid, Inter Milan  na Chelsea mara mbili ndani ya miaka 10 na ametumia Pauni 67 milioni msimu wa mwisho alipochukua ubingwa wa Ligi Kuu.

Hiyo ikijumuisha Pauni 30 milioni  kwa kumnunua, Cesc Fabregas kutoka Barcelona na Pauni 32 milioni kumnunua Diego Costa kutoka Atletico Madrid.

Pep Guardiola ataondoka Bayern Munich mwishoni mwa msimu anajipanga kwenda England, akiwa na umri wa miaka 44 anatarajiwa kujiunga na Manchester City.

Mhispania huyo ameiongoza Barcelona kwa miaka minne,ameshinda ligi  mara tatu na Ligi ya Mabingwa mara mbili, na amekuwa na Bayern  kwa miaka mitatu. Usajili wake umegharimu Pauni 382 milioni na kumfanya  kushika nafasi ya tano katika listi.

Bosi wa zamani wa Manchester United, Sir Alex Ferguson naye yumo akiwa ameshika nafasi ya 10 akiwa ametumia Pauni 281 milioni kabla hajastaafu  mwaka 2013  katika miaka yake 26 akiwa na klabu hiyo.

Juu yake yupo kocha wa  zamani wa Liverpool, Brendan Rodgers ambaye ametumia Pauni 287 milioni na Kocha Arsene Wenger aliyetumia Pauni 333 milioni.

Arsenal iko kileleni katika Primia Ligi lakini Wenger anaweza kutumia pesa zaidi  katika usajili wa mwezi huu wa Januari ili kuweza kuchukua ubingwa wa Ligi Kuu. Mara ya kwanza Wenger alichukua ubingwa huo mwaka 2004.

Wenger anaweza kumpita Van Gaal aliyetumia Pauni 337 milioni na kocha aliyefukuzwa wa  Real Madrid, Rafa Benitez aliyetumia Pauni 376 milioni kama ataamua kuimarisha kikosi chake.

TOP TEN

1 - Jose Mourinho – Pauni 619m

2 - Manuel Pellegrini –   Pauni 597m

3 - Carlo Ancelotti – Pauni 466m

4 - Roberto Mancini – Pauni 441m

5 - Pep Guardiola – Pauni 382m

6 - Rafa Benitez – Pauni 376m

7 - Louis van Gaal – Pauni 337m

8 - Arsene Wenger – Pauni 333m

9 - Brendan Rodgers – Pauni 287m

10 - Sir Alex Ferguson –Pauni 281 m.

PESA ILIVYOTUMIKA

Jose Mourinho 

Pauni 32m – Diego Costa

Pauni 30m – Andriy Shevchenko

Pauni 30m – Willian

Manuel Pellegrini

Pauni 80m – Cristiano Ronaldo

Pauni 54m – Kevin De Bruyne

Pauni 49m – Raheem Sterling

Carlo Ancelotti

Pauni 85m – Gareth Bale

Pauni 63m – James Rodriguez

Pauni 50m – Fernando Torres

Roberto Mancini

Pauni 40m – Sergio Aguero

Pauni 27m – Edin Dzeko

Pauni 25m – Samir Nasri

Pep Guardiola

Pauni 40m – Zlatan Ibrahimovic

Pauni 35m – Cesc Fabregas

Pauni 34.2m – David Villa

Rafa Benitez

Pauni 34.5m – Gonzalo Higuain

Pauni 22.6m – Danilo

Pauni 22.5m – Mateo Kovacic

Louis van Gaal

Pauni 59.7m – Angel di Maria

Pauni 36m, ikapanda hadi Pauni 57.6m – Anthony Martial

Pauni 31.5m – Luke Shaw

Arsene Wenger

Pauni 42.5m – Mesut Ozil

Pauni 35m – Alexis Sanchez

Pauni 16m – Santi Cazorla

Brendan Rodgers

Pauni 32.5m – Christian Benteke

Pauni 29m – Roberto Firmino

Pauni 25m – Adam Lallana

Sir Alex Ferguson

Pauni 30m – Dimitar Berbatov

Pauni 28m – Juan Veron

Pauni 27m – Rio Ferdinand